Eleetar i yi Pool akiñje i bakate ku Rom 15:26 - Kwatay (Kuwaataay)

²⁶ Ábuki bakate ku Maseduwan *kéeyilene ku, ni bakate ku Akayi kategateg bija ti bakan kite Atambatun bakate ku Serusalem keebajut ku.

Eleetar i yi Pool akiñje i bakate ku Rom 15:26 Referans Kwoze

2 Korent 9:12

Ábuki bondu bamb'árihin ii uŋu búyokunan bakan kite Atambatun ti bisawula booniin, abe yooŋ iŋi bíhin bakan keehooje-hooj ni kalaw Atambatun keeeno eyeehen iŋ'ite te bo.

2 Korent 9:2

Ímoomi kaanuku arisiiŋasiiŋo ti kaanu ku áriiyokunaniin, abe imakamak uŋu hoonuun hu ti bakate ku Maseduwan eeeniin: «Bakati úne bakate ku Akayi kafaraa kawunu ku huta hu foomane.» Bíhabaneina boonuun bondu biñakañak bakan keehooje tu boko.

Filemoŋ 1:5

ábuki iŋ'ijam naane á̱maŋie i bakan k'Atambatun akino ku fe, ni naane á̱yilene i t'Anahaan u Yesu.

1 Korent 16:15

Kújakuwe, árimoomi kaanuku Sitefanas nu butoŋo kaamo fu Ekarjen étiyar i t'ésuk ite Akayi, abe káhabaneinohabanein tu burok bu bija ti bakan k'Atambatun akino ku. Náami iilawuun bonde:

Epotor i 18:12

Hi Galiyoŋ áyemie hu águwernoor ite Akayi, Esuwif i ni kásiiŋoorein keejok Pool, abe ni kaja ne o ti báajoonanum bu.

Epotor i 16:9

Káajiim ku, bike ni bifeeñ Pool: n'ajuk ake ániine ite Maseduwan t'asiiŋee, abe n'aŋ'áwasiyano aano: «A̱bin Maseduwan man n'á̱yokunan uni!»

Hirim Heetoofe hu hi Luk akiñje hu 14:13

Af'a̱baj t'awe hiriy, a̱ruw keebajut ku, ni keeyinaat ku bija, ni kéetime ku, ni kéefuume ku.

Hirim Heetoofe hu hi Luk akiñje hu 6:20

Yesu n'áheelin eriboora yeene abe n'aane: —Atoof t'aruun keebajut ku doon fe, ábuki aruun arikino fu *Jáyi jite Atambatun!

Májiye 26:11

Keebajut ku káyemi n'aruun ko kireyi fe, bare íñje it'íyemi n'aruun ko kireyi.

Májiye 25:40

Áyi u kásafiniin aaniin: «Iisokuun bifeeneŋ bu: híhinin fe h'árihine bo ake ti keehaŋe ku káteti tu bokonde keeemo ku naane bakat'am, íñje árihine fu bo.»

Epotor i 9:13

Anañas n'aano: —Anahaan u, ijamajam ti bakan keehooje mite m'ániine ondu, abe kasokamsok yooŋ naane álaamane i bakan kúuwe Serusalem.

Epotor i 16:12

Irinuut toko, n'irija Fílip, hike hikinu hómbokun t'ésuk ite Maseduwan, abe bakate ku *Rom ni kákini ho. N'iririiko bo kunak keefamut.

Epotor i 19:21

Bondu buwas, Pool n'aane eeja Serusalem, eeŋaas Maseduwan, ajok Akayi. N'aane: —If'ija bo ihaban, iwarawar yooŋ bija *Rom.

1 Korent 16:5

Íñje bibin t'aruun kane ikan Maseduwan (ábuki íñje kaŋaasu tu búsuk bite bo).

2 Korent 2:13

Bare ehelam ebebut, ábuki ijukut bo ati úne Tit. Iŋ'ite ho h'eene fu bakate ku Trowas *kéeyilene ku iriwasoor, abe n'ija Maseduwan.

2 Korent 7:5

Múniyo h'irireeŋe hu Maseduwan, íritumbut iriyih mayet, abe irijukajuk sílaam sánosan: iribatikanoorabatikanoor ni bakan, sihel site s'uni yooŋ sibebut.

2 Korent 9:4

Káhinaate iyu, if'ibin t'aruun ni bakate ku Maseduwan, abe n'írireeŋin aruun t'arifareit, káwoolu k'íriwooluuun ku n'uŋu kusooñ kíyemi t'uni ñufuñ, abe aruun kumuumuun yooŋ n'aŋ'arifuño.

2 Korent 11:9

H'íyemie hu t'aruun, ibinabina ijahale, bare ibinut ílaaman mayet afeeneŋ t'aruun. Bakati úne kéenuutina ku Maseduwan kaje fu kabinam nu doon d'isawulee du. Íhinut an t'aruun éelaam t'íñje tu doon fe, abe it'iwas hikee an t'aruun éehin bo.

Fílip 4:15

Aruun bakate ku Fílip árimoomi bonde jak: h'inuute hu Maseduwan, kóyin k'ijabe ku kawaare Hirim Heetoofe hu, ti *kéeyilene ku fe, aruun unoonuun áriyokunanam fu ti bisawula búuma.

1 Tesalonik 1:7

Iyu yooŋ i bakate ku Maseduwan *kéeyilene ku, ni bakate ku Akayi kareyi fe ifi kafin yooŋ kaneefan ti máhinar moonuun.

1 Tesalonik 1:8

Múniyo hirim hite Anahaan u t'aruun tu hunuute fu heejamo Maseduwan n'Akayi, abe hiraanut toko; tánotan yooŋ fe, káyilen koonuun t'Atambatun kijamajamo. Náami iribajut bike bite káwutiyen te bo.

1 Tesalonik 4:10

Iyu yooŋ a arijoke fu kéeyilene ku fe bakate ku Maseduwan ereyi bif. Bare uni bokondu ti káwasiyanuun man n'árihin ahaŋ diyu.

1 Timote 1:3

A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.