Eleetar i yi Pool akiñje i bakate ku Rom 15:19 - Kwatay (Kuwaataay)

¹⁹ Áhinahin bo ni sembe ti beehaŋe bu ésuk i kikaw, ni ti sembe site Búwejet Beenabe bu. Iye i iwaare fu fe Hirim Heetoofe hite hu Kiris tánotan fe, huta hu Serusalem bija yooŋ Iliri.

Eleetar i yi Pool akiñje i bakate ku Rom 15:19 Referans Kwoze

2 Korent 12:12

Béewufoore bu kaanuku íñje apotor ite nu múniyo bíhineehin t'aruun ni kámuñu kómbokun. Bo beemo fu bonde: káhinu kite buroon bánoban beehaŋe bu ésuk i kikaw.

Esuwif i 2:4

Atambatun n'alitan yooŋ báhamin booniin ti káhinu buroon bánoban beehaŋe ésuk i kikaw, abe n'áhin ésuk i keebaj huruw fe doon du Búwejet Beenabe bu dundu buwun naane hutoofo i.

Galasi 3:5

H'Atambatun hah'awunuun Búwejet boone, abe n'aŋ'áhin t'aruun beehaŋuun kikaw, aŋarkeyi me naane aruun árijeŋgine Eluwa yite Moyis, bare me? Aaa, áhinahin bo aŋarkeyi naane aŋ'arijam Hirim Heetoofe hu abe n'áriyilen ho.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.

Epotor i 20:6

Uni n'irifin írijufo Fílip t'esahar *h'efeet ite Kumburu Kéehinaariitee ku Élefir ehabanee hu. N'iribaj ti han hu kunak hutok. N'iriŋaabeiin Trowas, abe n'iribaj bo erimaas.

Epotor i 17:10

H'aamo hu tujona kep, *kéeyilene ku ni káhin Pool ni Silas keeja Bere. Hi kareeŋe hu, ni kaja ti *báalawum bite Esuwif i.

Epotor i 20:20

Árimoomi kaanuku ínuusutuun doon fe ti beewaruun bu káñjeriŋ: iŋ'iwaareuun, abe n'iliikenuun ti sifiñjan su, nu tu sunuuf soonuun.

Epotor i 19:1

H'Apolos áyemie hu Korent, Pool n'afin akan birij bu, abe n'areeŋ Efees. N'aŋaabo bo bakaake *kéeyilene,

Epotor i 18:19

Ni kareeŋ Efees, abe Pool n'awasoor bo ni Pirisil n'Akilas. N'ayooso ti *báalawum bite Esuwif i, abe n'aŋ'ajeeŋoor toko nu boko.

Epotor i 18:1

Hunuut toko, Pool n'anuut Aten eeja Korent.

Epotor i 17:15

Keeje ku nu Pool ni kaja ne o bija Aten. Kahaban, ni kábatikein nu kuboñ kite Pool, kite kaanuku Silas ni Timote kanabano ahilee.

Epotor i 16:18

N'áhin bondu kunak keehooje. Hireeŋ toko, Pool n'átumb ayiŋat asooñen n'aweteko abe n'aane erab i: —Íñje isok fee n'awe tu huruwu hite Yesu *Kiris: a̱nuut t'ásuŋgute ondu! Toko-toko yooŋ, erab i n'enuut te o.

Epotor i 15:12

Náami keekuukanooree ku toko fe kakoowana kem keejamatan Pooliin ni Barnabas keesokiin beehaŋe b'ésuk i kikaw b'Atambatun awuniin bu kéehin ti keenooto ku Esuwif.

Epotor i 14:25

Ni kawaare bakate ku Pers hirim hite Atambatun, abe ni kaja Atali.

Epotor i 14:20

Bare hi *kéeyilene ku kákuuto hu, n'arito, abe n'ayooso ti hikinu hu. Tifiit, ni kaja Derib, akina ni Barnabas.

Epotor i 14:10

Náami eetaŋk eeeno: —A̱rito, abe n'a̱siiŋo ajoŋoor! Ániine u n'ajulan hifeeneŋ hu juj, abe n'áyemi ti kañaahu.

Epotor i 14:6

H'epotor i kajame hu bo, ni katey bija Listir, ni Derib, ni kaaku kikinu kite ku Likawoni,

Epotor i 13:51

Náami Pool ni Barnabas keehaŋkiin hafor heeemo hu tu wuwotiin, abe ni kaja Íkoñom.

Epotor i 13:14

Boko ni kanuut Pers keeja nu wuwot bija Antiyoos, hike hikinu hite Pisidi. *T'erimaas ite Esuwif i, ni kayooso ti *báalawum bu, abe ni kariiko.

Epotor i 1:8

Bare aruun kawuniee sembe kane Búwejet Beenabe bu búwanein t'aruun, abe n'aŋ'áriyemi eseede íima Serusalem, nu tu músuk mite *Súde ni *Samari, bija tánotan fe t'etaam ye.

Saaŋ 4:48

Yesu n'aano: —Afut'arijuk buroon beehaŋuun kikaw, at'áriyilen mayet.

Májiye 12:28

Bare naane aamo i Búwejet bite Atambatun buwunam fu sembe site kákutoor sirab su, Jáyi joone kame jíreeŋinuun.

1 Piyeer 1:12

Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.

Kolos 1:25

Íñje hahiyu aroka ite kéeyilene ku. Atambatun asejanam fu burok bondu kaanuku iŋ'ibin irok bo bija t'aruun: aboñamboñ kaanuku iiwaare hirim hoone hireyi fe.

Eleetar i yi Pool akiñje i bakate ku Rom 15:24

eenaan íñje káŋaasina t'aruun iijukuun kane íyemi ti bija Esipañ. Iyu, n'aŋ'áriyiniam káyokunan íñje ti bija bu. Bare mánoman íñje bifiyo dikee t'aruun man ehelam n'erooŋo.

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

1 Korent 2:4

B'isoke bu ni b'iwaare bu, íhinut bo ni kirim keetoofe kite búwesinato bite húŋgowulan. Bare Atambatun áwufooruunwufoor ni sembe site Búwejet boone kaanuku b'isoke bu bite toko.

1 Tesalonik 1:5

Irisokuunsok Hirim Heetoofe hu, káanukiiit ni kirim barebare, bare yooŋ ni sembe site Búwejet Beenabe bu, abe bukuurakuur uni kaanuku Hirim honde Heetoofe hu hite nu múniyo. Abe arijukajuk naane biriiko bite b'uni t'aruun bíñjeriŋuun i.