Eleetar i yi Pool akiñje i bakate ku Rom 14:19 - Kwatay (Kuwaataay)

¹⁹ Náami úŋes bimbi bíkinineŋ núuriiko t'afeeneŋ ti káasuumaay, abe ni bilitan yooŋ káyilen kite bakan úne.

Eleetar i yi Pool akiñje i bakate ku Rom 14:19 Referans Kwoze

Efees 4:29

Atum'árihamin báhamin beejakut; arisok kep báhamin beebaje éñjeriŋ bite káyokunan ésuk i ti bisawula booniin keehaŋ kayanu ti káyilen ku, abe nu butoof yooŋ kiŋki kajamatanuun.

Eleetar i yi Pool akiñje i bakate ku Rom 12:18

Af'aribaj bítim, árihin wáhowah ariijamoor n'ésuk i fe.

Eleetar i yi Pool akiñje i bakate ku Rom 15:2

Huruw fe t'úne aŋes káhinu beetoofe bu áwiyo bite káñjeriŋo, man káyilen kite an ondu ni kihaŋ kayanu.

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

Mark 9:50

«Misis ajakajak. Bare ifi mija ayak abin áami míneenia, iŋkut mijam, buŋ b'arija fu ne mo ayak abin áami musooña mijam? Áriyemi naane misis, abe n'aribaj káasuumaay t'etutuun.»

Májiye 5:9

Atoof ti kiŋki kaŋes káhinu ésuk i keebukan, ábuki Atambatun kajokiiin naane bakañio!

1 Piyeer 3:11

Awarawar kakamboor ni meejakut mu aŋ'áhin meejake mu, abe n'aŋ'áñiŋkaan eeŋes káasuumaay ku.

1 Korent 14:26

Náami hahiyu buŋ kújakuwe? Af'arikuukanooro, ake n'aŋ'ahooñ Atambatun, ake n'aliiken ésuk i bike, ake n'asok bike b'Atambatun áwufooro, ake n'áhamin ti kíhaminiin kuway, ake n'áhandin bo ésuk i. Bondu fe buwarawar káyokunan *kéeyilene ku keehaŋ kayanu ti káyilen ku.

1 Korent 10:33

Árihin naane íñje ii iŋes katoofu ésuk i ereyi tu buroon bu fe bimb'íhin. Iŋesut beejake bu bija t'íñje, bare beejake bu bija t'ésuk i ereyi b'iŋese fu kaanuku man ni kafak.

2 Timote 2:22

A̱tey wúfaŋi wute hiñiaate hu. A̱ŋes kajoŋoor ku, ni káyilen ku, ni kámaŋioori ku, ni káasuumaay ku. A̱ŋes bondu fe ni kiŋki kalaw Anahaan u nu suhol seekuure.

1 Timote 1:4

A̱aniin kawas kúsuwanooru kondu, ni kájatinanoor kite kuruwu kite sifaaf su kéehabanaariit kii. Bondu fe iŋi bíyitin síjeeŋoor. Búyokunanaariit an éehin burok bite Atambatun, beeemo bu iŋi bíhinee ni káyilen.

2 Korent 12:19

Hahiyu tíme ariena man uni írihaminuun atoof iye kaanuku iriiŋes ekooŋ t'aruun, bare me? Aaa kújakuwe, aruun k'írimaŋie-maŋie ku, írihaminuunhamin hágila Atambatun naane eroka bakate *Kiris, abe irisokuunsok bonde fe kaanuku man n'arihaŋ kayanu ti káyilen ku.

1 Korent 7:15

Bare arko an éeyilenut u ámaŋamaŋi kaanuku biseño booniin beewiis, aja awiis bo. Ifi bija iyu, ániine éeyilene u man yooŋ anaare éeyilene u aŋkut akol n'áwiyo, ábuki Atambatun aruwuunruw kaanuku ariiroŋ ti káasuumaay.

1 Korent 8:1

Hahiyu útif ti bite efuwa *yeesarahee i ti ñájiim ñu. T'eleetar yeenuun arienaan arireyi fe árimoomi doon tu bondu. Nu múniyo, bare kámeyi af'ákinineŋ an n'ayitooro; kámaŋi n'afin ákinineŋ *kéeyilene ku ni kahaŋ kayanu ti káyilen ku.

1 Korent 10:23

Bakaake t'aruun iŋi kaane: «Íriyinooni káhinu beetoofe bu uni.» Nu múniyo, bare bíreyiiit bijake fu t'úne. Iŋi kasok kaane: «Íriyinooni káhinu beetoofe bu uni.» Nu múniyo, bare bíreyiiit biyino fu kákinineŋ n'úhaŋ kayanu ti káyilen ku.

1 Korent 14:3

An af'aŋ'ayiŋan báhamin bite Atambatun, nu kúŋgowulan ku n'af'áhamin, abe aŋ'ayaŋgananiin kikaw, n'abeetooriin, abe n'áhiniin keehaŋ kayanu ti káyilen ku.

1 Korent 14:4

An af'aŋ'áhamin ti kíhaminiin kuway, káyilen koone taŋ k'af'áhin keehaŋ kayanu. An aŋ'afin ayiŋan báhamin bite Atambatun, káyilen kite *kéeyilene ku fe k'af'áhin keehaŋ kayanu.

1 Korent 14:5

Ímaŋamaŋi aruun arireyi fe n'árihamin ti kíhaminiin kuway, bare b'ihaŋe bu kámaŋi beemo fu aŋ'ariyiŋan báhamin bite Atambatun. An aa ayiŋan báhamin bite Atambatun ahaŋahaŋ éñjeriŋ an aa áhamin ti kíhaminiin kuway, kane arko taŋ ake áhandine b'asoke bu, man kéeyilene ku kareyi fe ni kahaŋ kayanu ti káyilen ku.

Efees 4:12

Awunawun bondu bakan k'Atambatun akino ku kaanuku man ni káyini káhinu burok bite káyokunan bakaaku kéeyilene ku. Iyu, keeemo ku eni yite *Kiris, abe ni káyilen kareyi fe n'iŋi kahaŋ kayanu ti káyilen ku.