Eleetar i yi Pool akiñje i bakate ku Rom 14:17 - Kwatay (Kuwaataay)

¹⁷ Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Eleetar i yi Pool akiñje i bakate ku Rom 14:17 Referans Kwoze

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Májiye 6:33

Arijab ariŋes *Jáyi jite Atambatun ni b'ákandijene bu, abe n'aŋ'awunuun buroon bondu fe áriiwutiyen.

1 Korent 4:20

Ábuki *Jáyi jite Atambatun jíteiit báhamin beetoofe barebare; jo jite sembe.

1 Korent 8:8

Dóoniit bare dite káhinu ti har dija fu kákinineŋ n'úloh Atambatun: uf'úteŋ efuwa yendu, iti híkasinan úne te o doon, ufut'úteŋ yooŋ, utu húwutiyen úne te o doon.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Eleetar i yi Pool akiñje i bakate ku Rom 8:6

Kayinoor kite beetoofe bu an u humuumo iŋi kibin n'eket i. Bare kayinoor kite beetoofe bu Búwejet Beenabe bu iŋi kibin nu buroŋ bite bu nu múniyo, ni káasuumaay yooŋ.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

1 Korent 6:9

Árimeyiit kaanuku kiŋki káhin meejakut mu iti kamaat hikee ti *Jáyi jite Atambatun? An atum'abuutuun: kiŋki kafurukato, n'ewaasena i, ni kiŋki kaŋot ni bakan ki kaseñeit ku, ni kiŋki kaŋot ániine n'ániine,

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Epotor i 13:52

Bakate ku Antiyoos *kéeyilene ku kikawiin uŋu kutoof naane, abe ni kahooj bib nu Búwejet Beenabe bu.

Fílip 4:7

Abe káasuumaay kite Atambatun, keejaaŋee ku búwesinato bite húŋgowulan kajukar suhol soonuun, nu ñúwejet ñoonuun aŋarkeyi naane árihinahin t'afeeneŋ ni Yesu *Kiris.

Kolos 1:11

Iŋ'irilawo yooŋ kaanuku man n'awunuun ti sembe soone séenike su, aŋ'aribin árimuñ ko kireyi fe, abe n'arijok yooŋ alitee ni katoofu kómbokun.

Fílip 4:4

Kikawuun kutoof ko kireyi fe naane árihine i t'afeeneŋ n'Anahaan u. Iisooñ ibatikan te bo: kikawuun kutoof!

Saaŋ 3:5

Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

Májiye 3:2

—Ariwatanooro kinij koonuun keejakut ku, ábuki *Jáyi jite Atambatun júlohenno!

1 Piyeer 1:8

Naane árimusut i kajuku Yesu fe, árimaŋiomaŋi; naane árijukaariito i hahiye fe, áriyilenayilen te o. Iŋ'ite ho hi kikawuun kutoofe fu dómbokun; kútumb kutoof kusooñen an ayinaat ko kasoku ni kirim.

Fílip 3:3

Keeteye ku karam nu múniyo kaamo fu úne. Ábuki úne uf'úlaw Atambatun ti sembe site Búwejet boone, úne kuŋk'úsaŋgoor ni Yesu *Kiris, abe úsikut kikaw úne únaŋ t'ejoosan ite kúŋgowulan ku.

Fílip 2:1

Naane árihine i t'afeeneŋ ni *Kiris, híkinineŋut fíya kikawuun ni kiyaŋg? Naane ámaŋiuun i, híkinineŋut fíya kikawuun iŋkut kiteyoor? Arijamoorajamoor nu Búwejet Beenabe bu? Árineenaneeni me, abe aŋ'ariyubiyenoor yooŋ?

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

Epotor i 9:31

Náami kéeyilene ku kabajabaj káasuumaay ti kikinu kite *Súde, ni *Gálile, ni *Samari. Káyilen kooniin ti kahaŋu kayanu kep, abe buroŋ booniin fe kájeŋgin Atambatun. Búwejet Beenabe bu nu búyokunaniin yooŋ keehaŋ kahooju.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Hirim Heetoofe hu hi Luk akiñje hu 14:15

Ake ti kéeyemie ku toko tu buñoofo bu ajama kirim kondu kite ku Yesu, n'aano: —Atoof t'an eeja u buñoofo ti *Jáyi jite Atambatun!

2 Piyeer 1:1

Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.