Eleetar i yi Pool akiñje i bakate ku Rom 13:13 - Kwatay (Kuwaataay)

¹³ Únoŋk ajakee naane aa anoŋkee mijiniŋga raŋgaw. Úwas buñoofo beehahe bu, n'éwusan i; úwas huŋotu hu ni bakan k'úseñeit ku, nu bufurukato bu; úwas síheñjeŋoor su, ni bíhiñanoor bu.

Eleetar i yi Pool akiñje i bakate ku Rom 13:13 Referans Kwoze

Galasi 5:21

bimero buroon bite bakan, éwusan i, buñoofo beehahe bu, ni bike buroon yooŋ beehooje naane bondu. Iisooñ íyeegaluun naane íyeegaluun i bo: kiŋki kanij iyu iti kamaat ti *Jáyi jite Atambatun.

Efees 5:18

Atum'aŋ'áriwusan, ábuki éwusan aŋ'ábuj an. Bare arihooj bib nu Búwejet Beenabe bu.

1 Tesalonik 4:12

Af'árihin iyu, kéeyilenut ku ti *Kiris n'iŋi kasok t'aruun beejake, abe at'árilaaman an fe tu doon.

1 Saaŋ 2:6

An af'asok aane áhinahin t'afeeneŋ n'Atambatun, awarawar kanaban tu wuwot wute Yesu.

Efees 5:15

Náami áriwasiyoor jak tu kunoŋk koonuun. Atum'aŋ'arinoŋk naane busoŋ, bare arinoŋk naane kúwesina.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

Hirim Heetoofe hu hi Luk akiñje hu 21:34

—Arinaŋ toko kikawuun! Atum'ariniŋan siheluun ni biyinoor bite kiriy, n'éwusan, man yooŋ biyinoor bite buroŋ bu. Áriwasiit, hunak hu n'iŋi hijendanuun káfufu

1 Tesalonik 5:17

ko kireyi fe arilaw Atambatun;

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

Eleetar i yi Sud akiñje i 1:23

Arihaawananoor keeemo ku ti bija sambuun ariiramiin. Ariyubiyen yooŋ bakaaku, bare áriwasiyoor itim kabin kátifenuun nu doon fe deekole ni máhinar mooniin meejakut mu.

2 Saaŋ 1:4

Hikawam hutoofatoof dómbokun h'ijuke hu kaanuku bakaake ti bakañii kakinakin tu múniyo mu naane t'eluwa yi Faaf u asaane i úne esoke du.

Saak 4:5

Atum'ariene man beesokee bu ti *Míkiñjin mu bite fuufu i? Meenaan: «Atambatun aŋ'áfiir dómbokun tu búwejet b'anaŋe bu t'úne.»

Kolos 3:5

Náami ariyool ti siniuun doon fe deeemo dite t'etaam: huŋotu hu ni bakan k'ariseñeit, *kakuuraate ku, kámaŋi kite buroon béefuñinanie bu, wúfaŋi weejakut wu, ni bimero bite buroon b'árikiniit bu. (An af'amero doon d'ákiniit, ajokajok bondu ahaŋ naane ajoke i Atambatun.)

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Fílip 2:3

Atum'árihin doon fe ni sihel site baabet, atum'ariŋes yooŋ bíhinooro kuruwu, bare ariwananooro hágila bakaaku, abe huruw fe n'ajok bakaaku ahaŋ naane ajokooree i akina humuumo.

Efees 5:8

Hítiyar hu aruun ébaani; bare hahiye, naane árihine i t'afeeneŋ n'Anahaan u, aruun meejaaŋe. Náami arinoŋk naane bakan bakate meejaaŋe,

Efees 4:17

Bonde b'ija fu kasokuuun, abe íñje kajoku te bo alitee tu huruwu hite Anahaan u: buroŋ boonuun itim'iŋki bíyemi naane bite kéeyilenut ku. Biyinoor booniin bibajut éñjeriŋ,

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Galasi 5:19

Úmoomi naŋ nu wúfaŋi weejakut wu ufu wúsikin ésuk i: huŋotu hu ni bakan ki kaseñeit, *kakuuraate ku, bufurukato bu,

Epotor i 2:15

Ariene bokonde káwusanawusan, bare tókoiit, ábuki afiyeit naane túrumina i.

Hirim Heetoofe hu hi Luk akiñje hu 16:19

—Abajeebaj ake ániine husaanum. Wañ wu waw'asiimo uŋu wúwari naane, abe nu wuseer. Húnakonak fe aŋ'añoofo atoofee.

Hirim Heetoofe hu hi Luk akiñje hu 1:6

T'ésubaiin fe, buroŋ booniin butoofatoof Atambatun. Iŋi káhin naane buluwa boone busoke i ajoŋoor júl.

1 Korent 3:3

ábuki buroŋ boonuun búmoomi naane bite bu bakate ku t'etaam ye. Naane aamo i aŋ'arihiñanoor abe yooŋ aŋ'ariheñjeŋoor, eeman aamo fu árimoomi naane bakate ku t'etaam ye, máhinar moonuun yooŋ naane mite bakate ku t'etaam ye?