Eleetar i yi Pool akiñje i bakate ku Rom 13:12 - Kwatay (Kuwaataay)

¹² Huhuk hu hibaaŋaa, memee n'iŋi tifiit. Náami úfiiten kinij ku kiŋki kíhinee t'ébaani i, núusik bujuŋko b'úja bu ne bo hitiik hu ti meejaaŋe mu.

Eleetar i yi Pool akiñje i bakate ku Rom 13:12 Referans Kwoze

Efees 5:11

Atum'arikol nu burok beebajut bu éñjeriŋ, bite kiŋki kanij t'ébaani i, bare arirej bo.

2 Korent 6:7

ni kawaare kite múniyo mu, ni ti sembe site Atambatun. N'íriwufoor bo yooŋ ti kájubu kite k'uni keeemo ku naane bujuŋko bite kálaatin, man yooŋ bite biramooro.

Saak 1:21

Iŋ'ite ho aamo fu arinuutan ti siheluun doon fe *deekuurut, abe n'ariwas kunoŋk fe keejakut. Áritetianooro ariijok hirim heenawee hu ti siheluun, ábuki húnooniuun kafakan.

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

Kafeeñal ku 22:10

Abe n'aanam: —Atum'á̱nuus báhamin béenuutina bu t'Atambatun, beesokee bu ti kaawiit konde, ábuki memee bo kabaju.

1 Piyeer 2:1

Náami hahiyu ariwas bánafut bu, ni haajuus hu, nu butuuko bu, ni baabet bu, nu husoku hu ti bakan.

Kafeeñal ku 1:3

Atoof t'an eejaŋgee u kaawiit konde tu buhooŋu ésuk i, ni kiŋki kajamatan báhamin bonde béenuutina bu t'Atambatun, abe n'iŋi kájeŋgin yooŋ beekiñjee bu te ko, ábuki memee bo kabaju!

1 Korent 7:29

Kújakuwe, bonde b'ímaŋie fu kasoku: kunak keeŋeñene ku kifamut. Áfiitin ti hahiye, keese ku káñiŋkaan keerok bija t'Atambatun ni kite bakan keeseit;

1 Korent 10:11

Bondu beebaje bii sifaaf úne búwufoorawufoor úne kaanuku úwarut káhinu naane boko. Bikiñjeekiñj ti Míkiñjin mu kaanuku núuyeegalee, úne keeemo kee buroŋ tu kunak kiraanu ku.

2 Korent 10:4

Bujuŋko bimb'irilob ne bo bíteiit bakate ku t'etaam ye: bo bujuŋko beeyane bite Atambatun, abe bíyinooni kábuju doon fe déerahanna te o. Iŋ'íribuj biyinoor beenooto bite nu múniyo,

Efees 5:8

Hítiyar hu aruun ébaani; bare hahiye, naane árihine i t'afeeneŋ n'Anahaan u, aruun meejaaŋe. Náami arinoŋk naane bakan bakate meejaaŋe,

Esuwif i 10:25

Bakaake kafuna iŋkut kaja kéefimboor tand'afeeneŋ keelaw. Utum'úliikool nu boko. Bare úhaŋ kayaŋgananoor kikaw, ábuki arijuka kaanuku hunak h'Anahaan u ábatikein hu te ho hihaŋa kalohu.

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

Saak 5:8

Aruun yooŋ árimuñ; arijok alitee, ábuki bibin bite Anahaan u bulohena.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.

2 Piyeer 3:9

Bakaake iŋi kaane Atemit ákurakuri ti káhinu b'asoke bu, bare tókoiit. Am aŋ'ámuñ n'aruun kep, ábuki ámaŋiit mayet afeeneŋ átowuto. Aaa, b'ámaŋie bu beemo fu huruw fe n'awatanooro wuhoofoor woone.

2 Piyeer 3:11

Makamu buroon bu fe iyu i bija fu bútowuto, hahiyu arijuk jak buŋ bu buroŋ boonuun buware fu káyemi! Buwarawar kanabu, abe n'arijok yooŋ alitee t'Atambatun,

1 Saaŋ 2:18

Kúñuumo, kamoosen kite etaam i kulohena! Arijamajam kaanuku Anatoora ite *Kiris awarawar bibin. Abe hahiye enatoora yite Kiris keehooje kabina; iŋ'ite ho h'úmeyie fu kaanuku kamoosen kite etaam i kulohena.