Eleetar i yi Pool akiñje i bakate ku Rom 12:18 - Kwatay (Kuwaataay)

¹⁸ Af'aribaj bítim, árihin wáhowah ariijamoor n'ésuk i fe.

Eleetar i yi Pool akiñje i bakate ku Rom 12:18 Referans Kwoze

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.

Eleetar i yi Pool akiñje i bakate ku Rom 14:19

Náami úŋes bimbi bíkinineŋ núuriiko t'afeeneŋ ti káasuumaay, abe ni bilitan yooŋ káyilen kite bakan úne.

Májiye 5:9

Atoof ti kiŋki kaŋes káhinu ésuk i keebukan, ábuki Atambatun kajokiiin naane bakañio!

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Mark 9:50

«Misis ajakajak. Bare ifi mija ayak abin áami míneenia, iŋkut mijam, buŋ b'arija fu ne mo ayak abin áami musooña mijam? Áriyemi naane misis, abe n'aribaj káasuumaay t'etutuun.»

1 Piyeer 3:11

Awarawar kakamboor ni meejakut mu aŋ'áhin meejake mu, abe n'aŋ'áñiŋkaan eeŋes káasuumaay ku.

2 Timote 2:22

A̱tey wúfaŋi wute hiñiaate hu. A̱ŋes kajoŋoor ku, ni káyilen ku, ni kámaŋioori ku, ni káasuumaay ku. A̱ŋes bondu fe ni kiŋki kalaw Anahaan u nu suhol seekuure.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

1 Tesalonik 5:13

Arijokiin nu sumoŋu súsuba, abe n'árimaŋiiin yooŋ uŋu burok bu bimbi káhin. Síñakoor itim sibaj t'etutuun.

Efees 4:3

Árihin wáhowah ariijok ti naane Búwejet Beenabe bu buwunuun i aŋarkeyi naane árihinahin t'afeeneŋ. Nu buwunuun yooŋ ariiriiko ti káasuumaay kéegiilooluun ku.

Májiye 5:5

Atoof ti kéeneenie ku, ábuki Atambatun kawuniiin etaam i kéekini yo!

1 Korent 7:15

Bare arko an éeyilenut u ámaŋamaŋi kaanuku biseño booniin beewiis, aja awiis bo. Ifi bija iyu, ániine éeyilene u man yooŋ anaare éeyilene u aŋkut akol n'áwiyo, ábuki Atambatun aruwuunruw kaanuku ariiroŋ ti káasuumaay.

Májiye 5:24

a̱naŋ doon d'a̱ja du kasarah hágila ataabul u, abe n'a̱ja ariijab aribukan aruun n'áwiyi; a̱haban, n'aŋ'a̱batuko a̱aja á̱hin kaasarah kúuwe.

Eleetar i yi Pool akiñje i bakate ku Rom 1:15

Iŋ'ite ho h'ímaŋiuun fu yooŋ kawaare Hirim Heetoofe hu, aruun keeemo ku *Rom.