Eleetar i yi Pool akiñje i bakate ku Rom 12:13 - Kwatay (Kuwaataay)

¹³ Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

Eleetar i yi Pool akiñje i bakate ku Rom 12:13 Referans Kwoze

Esuwif i 13:16

Atum'aŋ'arifiil káhinu kite meejake mu, abe n'aŋ'áriyokunanoor yooŋ, ábuki wusarah naane wondu ufu wutoof Atambatun.

2 Korent 9:12

Ábuki bondu bamb'árihin ii uŋu búyokunan bakan kite Atambatun ti bisawula booniin, abe yooŋ iŋi bíhin bakan keehooje-hooj ni kalaw Atambatun keeeno eyeehen iŋ'ite te bo.

1 Saaŋ 3:17

An eebaje af'ajuk at'o n'ahaŋk, abe n'ateñeko káyokunano, buŋ b'ayino fu kaanu ámaŋamaŋi Atambatun t'eholo?

Esuwif i 6:10

Atambatun ájubajub. At'afiil burok b'árihine bu, ni naane árimaŋio i. Áriwufoorowufoor kaanuku árimaŋiomaŋi ti naane áriyokunane i bakan k'akino ku, abe ariroŋa yooŋ n'áriyokunaniin.

1 Piyeer 4:9

Ariwananoor atoofee tu sunuuf soonuun, atum'aŋ'arifutanoor.

Galasi 6:10

Náami kóyin k'úbaje bítim kep, úhin meejake bija t'ésuk i ereyi fe, áhaŋum ti *kéeyilene ku naane úne.

Esuwif i 13:2

Atum'arifiil kaanuku ariwarawar kajoku áwariee emoosoora i kiŋki kawanan t'aruun. Bakaake káhinahin iyu, ni kahaŋ kawanan tu boko emalaka ti kámeyiit.

1 Timote 3:2

Hikaw hite bakan kéeyilene awarawar káyemi an eeyinaatee kawatan tu doon. Anaare afeeneŋ taŋ a aware fu kabaju, abaj hikaw, ájokumooro, abe buroŋ boone nu bújub. Awarawar kajoku áwariee kiŋki kaja te o, abe n'áyini kaliiken ésuk i bite b'Atambatun.

1 Timote 5:10

Awarawar káyemi an éemeyiee tu burok boone beejake bu: an eejoŋoorane bakañio, aŋ'ajok áwariee kiŋki kaja te o, abe yooŋ n'aŋ'añaw wuwot wute *kéeyilene ku. Awarawar káyemi an aŋ'áyokunan yéeni keeemo ku ti sílaam su, abe n'aŋ'áhin yooŋ buroon bánoban beejake.

Májiye 25:35

Ábuki ijoñjolatajoñjolat, n'ariwunam iiñoofo; nukunam nisayasay, n'ariwunam íihujo; ibinabin t'aruun, n'arijokam áwariee t'árimeyiitam;

Filemoŋ 1:7

Óom, hutoofamtoof dómbokun, abe hikawam yooŋ ni hiyaŋg aŋarkeyi naane á̱maŋamaŋi bakan kite Atambatun, abe aŋ'á̱hin yooŋ siheliin seerooŋo.

Eleetar i yi Pool akiñje i Tit 1:8

Bare awarawar kajoku áwariee emoosoora i kiŋki kabin te o, abe n'ámaŋi meejake mu. Awarawar iŋi kayinoor ajakee, n'áyemi an éejube, an eenabe, abe n'aŋ'ájokumooro.

2 Korent 9:1

Ti bite sírirem seetegee su kaanuku t'áyokunan bakan kite Atambatun bakate ku Serusalem, bijarut n'iŋk'ikiñjuun bike íwutiyen ti b'isoke bu.

Epotor i 10:4

Korneyi n'áheelino ti kábitu kep abe n'aano: —Kame naŋ nibaje? Amalaka u n'aano: —Atambatun asasa kalawu kúuwe nu wusarah waw'á̱hin keebajut ku, abe afiiluti.

Epotor i 4:35

kabin kasaan epotor i. Boko n'iŋi kafin káruboor so kaliik huruw ti bakola boone.

1 Korent 16:15

Kújakuwe, árimoomi kaanuku Sitefanas nu butoŋo kaamo fu Ekarjen étiyar i t'ésuk ite Akayi, abe káhabaneinohabanein tu burok bu bija ti bakan k'Atambatun akino ku. Náami iilawuun bonde:

Eleetar i yi Pool akiñje i bakate ku Rom 12:8

An eewunee kaanuku aŋ'abin ayaŋganan bakaaku kikaw, ajok te bo. An aa awun ebaj yeene, ajok te bo n'ehol yeekuure. An eewunee kaanuku aŋ'ágilan *kéeyilene ku, ajok te bo alitee. An eewunee kaanuku aŋ'ayubiyen bakaaku, atoofan te bo.

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

3 Saaŋ 1:5

Óom, á̱hinahin beejoŋoore naane aa á̱yokunan *kéeyilene ku kiŋki kabin t'aruun, áhaŋum naane kaamo i emoosoora.