Eleetar i yi Pool akiñje i bakate ku Rom 12:12 - Kwatay (Kuwaataay)

¹² Kikawuun kutoof iŋ'ite eyakar y'aribaje i. Árimuñ ti sílaam sans'arijuk, abe n'aŋ'áriñiŋkaan ti kalawu ku.

Eleetar i yi Pool akiñje i bakate ku Rom 12:12 Referans Kwoze

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

Saak 5:7

Kújakuwe, náami árimuñ kep ayak abin áami Anahaan u abina. Arijuk naane awaña aa ámuñ ti kanahan éhotukan i yeereeŋ. Aŋ'ámuñ ti kanahan kite káriiŋ ku, ni basokotoŋ bu fe.

Esuwif i 6:15

Aburaham n'anahan ti kámuñu yooŋ kep, abe n'abin abaj b'Atambatun afiye bu asoko.

Esuwif i 6:12

Írimaŋiit áriyemi biñek. Bare arineefan ti kiŋki kabaj doon d'Atambatun aane du o kawuniiin aŋarkeyi naane káyilenayilen, abe ni kámuñ.

Fílip 4:4

Kikawuun kutoof ko kireyi fe naane árihine i t'afeeneŋ n'Anahaan u. Iisooñ ibatikan te bo: kikawuun kutoof!

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

Kolos 4:2

Arijok alitee ti kalawu ku. Siheluun síniyo kane áriyemi ti kalawu Atambatun, abe n'arieno eyeehen.

2 Tesalonik 3:5

Anahaan u Yesu *Kiris aja ajoŋooran siheluun, éehinuun aŋ'árimuñ naane akina, abe n'áhinuun áriimaŋi yooŋ Atambatun.

1 Tesalonik 5:8

Bare úne, kaajiŋgan kíkinie fu úne, abe úwarawar kajoku kikaw úne. Úwarawar kasolu káyilen ku ni kámaŋioori ku naane uu úsol ebaŋgal kaanuku eŋ'eram úne. N'úsol yooŋ eyakar ite úne yite kafaku ku naane uu úsol ékuhe yite hitiik.

Epotor i 1:14

Kareyi fe iŋi kafand bukuukanooro keelaw, boko ni haare hu, ni Mari íñaay ite Yesu, ni bakati kite Yesu yooŋ.

1 Timote 6:11

Bare awe eeemo u an ite Atambatun, a̱tey buroon beejakut bondu. A̱ŋes káyemi an éejube, a̱jok t'Atambatun, a̱baj káyilen, á̱maŋi an, á̱muñ, abe n'á̱neeni.

Esuwif i 10:32

Áribaŋino beebajuun bu hítiyar hu, hu múniyo mite Atambatun mijaaŋanuun hu. Arijukajuk kóŋkeyin sílaam sómbombokun, bare arijokajok alitee.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

Kolos 1:11

Iŋ'irilawo yooŋ kaanuku man n'awunuun ti sembe soone séenike su, aŋ'aribin árimuñ ko kireyi fe, abe n'arijok yooŋ alitee ni katoofu kómbokun.

Esuwif i 5:7

Hi Yesu áyemie hu t'etaam ye, aŋ'alaw Atambatun éeyinio u karamu t'eket i, abe n'aŋ'áwasiyano ayak aŋ'ayiy, ti kataŋku yooŋ t'etiir. Abe Atambatun n'asa kalawu koone aŋarkeyi naane Yesu ájeŋginojeŋgin.

Kafeeñal ku 13:10

An eeemo ite bibin kajokiee eekulee, o bibin kakuliee. An eeemo ite bibin kayooliee ni kábura, o kayooliee ni kábura. Iŋ'ite ho aamo fu bakan kite Atambatun kawarawar kámuñu, itim kawas káyilen ku.»

2 Piyeer 1:6

ti kámeyi ku b'Atambatun ámaŋie bu n'áriwutiyen toko bújokumooro; tu bújokumooro bu n'áriwutiyen toko kajoku alitee ti káyilen ku; ti kajoku ku alitee ti káyilen ku n'áriwutiyen toko káhinu naane Atambatun ámaŋie i;

Esuwif i 3:6

Bare *Kiris ájubajub naane Añi i Faafo asaane enuuf yeene aano áyemi hikaw hu. Abe enuuf yeene yeemo fu úne, kane arko kikaw úne keeyaŋg, abe n'únaŋ sihel site s'úne yooŋ tu doon d'úyakare du.

2 Tesalonik 1:4

Iŋ'ite ho h'if'irisaŋgoor uŋu hoonuun hu ti bakaaku *kéeyilene ku. Ábuki naane aa arijuk sílaam bija yooŋ kúnuur fe, arijokajok alitee ti káyilen koonuun.

1 Korent 13:13

Náami muroon míhaaji monde mibaa káyemi: káyilen ku, n'eyakar i, ni kámaŋi ku. Bare doon deehaŋe du tu muroon mondu deemo fu kámaŋi ku.

Eleetar i yi Pool akiñje i bakate ku Rom 15:4

Beesokee bu kóŋkeyin ti Míkiñjin mu fe, bo bite kaliiken úne, ni biyaŋganan úne kikaw, abe ni bíhin úne uŋ'úmuñ kaanuku man n'úbaj eyakar.

Hirim Heetoofe hu hi Luk akiñje hu 21:19

Af'arijok alit tip, n'aŋ'aribaj buroŋ béehabanaariit bu.

Hirim Heetoofe hu hi Luk akiñje hu 8:15

Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Eleetar i yi Pool akiñje i bakate ku Rom 8:25

Bare uf'úyakar doon d'újukoorut, uŋ'úmoken do.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

2 Timote 3:10

Awe bare á̱moomi akuur but bimb'iliiken ésuk i, nu hunoŋk húuma, ni b'iŋese bu tu burok búuma, ni káyilen kúuma, ni kámuñu kúuma, nu buŋ b'ímaŋie fu ésuk i, nu buŋ b'if'ijok alitee,

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

Fílip 3:1

Kújakuwe, hahiyu iisokuun bonde: kikawuun kutoof naane árihine i t'afeeneŋ n'Anahaan u. It'ílaam hikee ti kasoku koonuun b'iheeke bu iikiñj, abe bo bihaŋe fu káwooru bija t'aruun.

2 Korent 12:8

Ilawalaw Anahaan u keemo kíhaaji eeeno: «A̱nuutanam sílaam sondu.»

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Epotor i 12:5

Náami iŋi kajukar Piyeer t'ekulu i, bare kéeyilene ku n'iŋi káñiŋkaan kep keelaw Atambatun bija te o.

Epotor i 6:4

Uni n'iŋ'íriyini kajoŋoor ni kalawu ku, ni kawaare kite hirim hu.

Epotor i 2:42

Iŋi kajok alit tip ti b'epotor i bimbi kaliikeniin, ni kariiko t'afeeneŋ biriiko beejake, ni kafiitar kumburu ku t'afeeneŋ, abe n'iŋi kalaw yooŋ t'afeeneŋ.

Hirim Heetoofe hu hi Luk akiñje hu 10:20

Naane kuruwu koonuun kikiñjee i ti kaawiit kite Atambatun t'etiir bufor bu, h'ariware fu kahaŋu kasaŋgoor naane sirab su ii sijam t'aruun.

Májiye 5:12

Kikawuun kutoof dómbokun, ábuki hisiibanu hómbokun hondu ti kanahanuun t'etiir. Múniyo iyu yooŋ e ésuk i káhihinoore fu *eyiŋana yite Atambatun kéegilanuun ku.