Eleetar i yi Pool akiñje i bakate ku Rom 12:10 - Kwatay (Kuwaataay)

¹⁰ Árimaŋioori naane bakati. Árihabanein ti kájeŋgin kite bakaaku.

Eleetar i yi Pool akiñje i bakate ku Rom 12:10 Referans Kwoze

Fílip 2:3

Atum'árihin doon fe ni sihel site baabet, atum'ariŋes yooŋ bíhinooro kuruwu, bare ariwananooro hágila bakaaku, abe huruw fe n'ajok bakaaku ahaŋ naane ajokooree i akina humuumo.

Esuwif i 13:1

Árimaŋioori ko kireyi fe naane baatiaay, aruun bakan kite Atambatun.

1 Saaŋ 4:11

Kújakuwe, aruun k'ímaŋie-maŋie ku, makamu iyu a Atambatun ámaŋie fu úne, úne yooŋ úwarawar kámaŋioori.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Piyeer 2:17

Árijeŋgin kúŋgowulan ku fe, árimaŋi bakatuuun *kéeyilene ku, arijok Atambatun nu sumoŋu súsuba, abe n'árijeŋgin áyi ómbokun u.

1 Tesalonik 4:9

Kújakuwe, ti kámaŋioori keeware ku kabaju t'etut bakan *kéeyilene, arisawuleit ariikiñjee tu bondu, ábuki Atambatun humuumo áwufooruunwufoor naane ariware i kámaŋioori.

Galasi 5:13

Kújakuwe, aruun bare Atambatun aruwuunruw kaanuku atum'aŋk'áriyemi búsukateen. Bare naane aŋkut i áriyemi búsukateen, atum'arikuuso te bo ariinaban wúfaŋi woonuun weejakut wu. Bare árimaŋioori, abe n'aŋ'áriyokunanoor.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

1 Saaŋ 4:20

An af'ahuuf at'o, abe bare n'aane ámaŋamaŋi Atambatun, akina ajuusa. Múniyo afut'ámaŋi at'o aa ajuk, ayinaat kámaŋi Atambatun a ájukaariit u.

2 Piyeer 1:7

ti káhinu ku naane Atambatun ámaŋie i n'áriwutiyen toko kajokoor baatiaay; ti kajokoor ku baatiaay n'áriwutiyen toko kámaŋioori.

1 Piyeer 5:5

Aruun yooŋ biñi bu, árijeŋgin sifaaf su. Abe aruun arireyi fe *kéeyilene ku, atum'aŋ'ariyitooro tu búyokunanoor bu, ábuki *Míkiñjin mu meenaan: «Atambatun aŋ'ásokum kiŋki kayitooro; kéeyitooraariit ku aŋ'áwufooriin kajaku koone.»

Saaŋ 15:17

Náami b'eemo bu ti kasoku koonuun beemo fu árimaŋioori.»

Eleetar i yi Pool akiñje i bakate ku Rom 13:7

Aribatikan huruw-ruw fe doon d'áriyekio du: arijaam búhal bu an ariware u bo kajaamu, arijaam yooŋ júuti i an ariware u yo kajaamu. Árijeŋgin k'ariware ku kájeŋgin, abe n'arijam ti k'ariware ku kajamu.

Epotor i 4:32

*Kéeyilene ku kareyi fe ni kajokoor naane, eholiin efeeneŋ, búwejet booniin yooŋ bifeeneŋ. An tu boko áanaariit ebaj yeene akina akino yo unoono; doon dite afeeneŋ, dite yooŋ bakano.

Hirim Heetoofe hu hi Luk akiñje hu 14:10

Aaa! Af'a̱ruwee bite buñoofo, a̱ja a̱riiko ni biñi bu. Ate enuuf i af'áyoosein, n'aŋ'aani: «Óom, a̱bin a̱ariiko diye ni sifaaf su.» N'aŋ'áami fu átumba ánikani ti bakaaku fe keeruwee ku buñoofo bu.

Májiye 20:26

Bare bondu buwarut kabaju t'etutuun. Ake t'aruun af'ámaŋi kahaŋu bakano, aja áyemi aroka ite bakaaku.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

Kolos 1:4

Iŋ'irieno eyeehen ábuki irijamajam kaanuku áriyilenayilen ti Yesu Kiris, abe n'árimaŋi yooŋ bakan ku fe k'Atambatun akino ku.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.