Eleetar i yi Pool akiñje i bakate ku Rom 11:7 - Kwatay (Kuwaataay)

⁷ Náami uŋ'úene yooŋ buŋ? Keehaŋe kahooju ti bakate ku Israyel kabajut bi kaŋese bu. Keefamut tu boko taŋ k'Atambatun ajifane ku kabaje fu bo. Bakaaku, ñúwejet ñooniin ñíbaanabaani,

Eleetar i yi Pool akiñje i bakate ku Rom 11:7 Referans Kwoze

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

Eleetar i yi Pool akiñje i bakate ku Rom 9:18

Náami Atambatun aŋ'ajifan an a ámaŋie u kayubiyen, n'ajifan yooŋ an a ámaŋie u kábaanian búwejet.

Eleetar i yi Pool akiñje i bakate ku Rom 11:25

Kújakuwe, ímaŋamaŋi áriimeyi béenuusee bonde kaanuku atum'aribin arijokooro bakan kómbokun: bakaake ti bakate ku *Israyel, ñúwejet ñooniin aŋ'ábaani. Bondu bifiyo yooŋ ayak abin áami bakan k'Atambatun ajifane ku ti baabu biheet fe kajoka bítim bite *Kiris.

Eleetar i yi Pool akiñje i bakate ku Rom 11:5

Hahiye yooŋ mo mifeeneŋ mu: aŋeñenee bakan keefamut ti bakate ku Israyel k'Atambatun ajifane ti kajaku koone.

Efees 1:4

T'áwuwanoorut etaam i, ajifanajifan úne ti Kiris kaanuku man n'úyemi bakan keenabe te o, keeyinaatee kawatan tu doon. Makamu ámaŋamaŋi úne,

2 Korent 3:14

Náami búwesinato booniin biyinaat kánandin bondu. Bija yooŋ t'úmiye fe, ifi káyemi ti kajaŋga ti kaawiit kite kaajamoor kítiyar ku, musoor uŋu múkumbalool ñúwejet ñooniin, abe kájokaariit. Musoor mu uŋu munuut t'an éehine t'afeeneŋ ni Kiris barebare.

Eleetar i yi Pool akiñje i bakate ku Rom 9:23

Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

Fílip 1:18

Bíhinutam doon! Arko beeemo bu ti kikawiin bijakajak man yooŋ bijakut, saama náami kep bokondu ti kawaare bite bu Kiris, abe uŋu hutoofam aa. Hee, bibaa yooŋ katoofiam,

1 Korent 10:19

Isokasok fíya eene ti bájiim t'Atambatun ite u nu múniyo t'aamo fu, man yooŋ efuwa yeesarahee te bo ékooki éñjeriŋ?

Eleetar i yi Pool akiñje i bakate ku Rom 10:3

Kánandinut buŋ b'Atambatun af'ajok ésuk i bakan kéejube, bare kaŋesaŋes kasiiŋan bifehe booniin bite kájubu ku. Iyu i kateñekee fu efehe yite Atambatun yey'éhin ésuk i kéeyemi bakan kéejube.

Eleetar i yi Pool akiñje i bakate ku Rom 6:15

*Eluwa yite Moyis eŋkut ékini úne, bare kajaku k'Atambatun kaŋk'áwufoor úne kíkinie fu úne. Náami naŋ? Bondu buwarawar fíya kákinineŋ n'uŋ'úhoofoor? Mánoman aaa!

Eleetar i yi Pool akiñje i bakate ku Rom 3:9

Náami naŋ? Uni Esuwif i irihaŋahaŋ fíya keenooto ku Esuwif? Mayet fu! Iheeka íiwufoor kaanuku kaahoofoor ku kihaŋahaŋ sembe Esuwif i ni keenooto ku Esuwif.

Saaŋ 12:40

«Atambatun áhiniinhin kéefuum, kaanuku ñíkiniin itim'iŋi ñujuk, afeŋkafeŋk yooŋ ñúwejet ñooniin, kaanuku itim'iŋi ñínandin; itim kabin káwuŋgan nu boone éehiniin kéekoyi.»

Hirim Heetoofe hu hi Luk akiñje hu 13:24

—Ariŋes man n'ariŋaas ti karuŋ keeyiite ku; ábuki íñje isok fee n'aruun: keehooje kaŋesu buyooso abe iti káyini.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

Esuwif i 12:17

Árimoomi kaanuku abinabina afiyo, n'ámaŋi kaanuku faafo éesoniyano kásoniyan kite aneemak u, bare faafo n'ateñeko. Biyiy b'ayiye bu yooŋ biyinaat toko doon, ábuki abajut efehe yite kanuutan b'aheeke bu éehin.

Mark 6:52

ábuki kajokut bite kumburu ku bi Yesu áhine bu; ñúwejet ñooniin ñiyinaat kánandin bo.

Efees 4:18

abe kájokaariit doon fe. Kabajut buroŋ b'Atambatun bamb'awun, ábuki kámeyiit doon tus, abe ñúwejet ñooniin yooŋ iŋi ñíbaani túruk.