Eleetar i yi Pool akiñje i bakate ku Rom 11:33 - Kwatay (Kuwaataay)

³³ Kajaku kite Atambatun kihahahah, ni káwasi koone, nu búwesinato boone! Kaayinoor koone, aañ ayino kámeyi ko? Manoŋkar moone, aañ ayino kánandin mo?

Eleetar i yi Pool akiñje i bakate ku Rom 11:33 Referans Kwoze

Eleetar i yi Pool akiñje i bakate ku Rom 2:4

Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

Efees 3:10

kaanuku man emalaka i keeemo ku t'etiir, n'eseef yeeniin ifi kajuk *kéeyilene ku, ni kámeyi naane búwesinato boone beemo i fe.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Eleetar i yi Pool akiñje i bakate ku Rom 9:23

Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Efees 3:16

Ánikanik areeŋ ñaaj, abe abajabaj yooŋ doon areyi fe. Náami íñj'endu ti kalawio kaanuku man n'áhin Búwejet boone beewun siheluun sembe.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Efees 3:18

N'aŋ'áriyini yooŋ kánandin, aruun ni bakan kite Atambatun fe, buŋ bi kámaŋi kite Kiris kiŋabe fu, buŋ bi kikambe fu, buŋ bi kiliite fu, nu buŋ bu kúsulie fu.

1 Korent 2:10

Abe úne k'Atambatun áwufoore fu bondu, áŋaasann bo tu Búwejet Beenabe bu. Múniyo Búwejet bu uŋu bujondoman tu doon areyi fe, bija yooŋ biyinoor bite Atambatun beehaŋe bu kásuli.