Eleetar i yi Pool akiñje i bakate ku Rom 11:17 - Kwatay (Kuwaataay)

¹⁷ Bakate ku *Israyel kámoomi naane *núolifiye neenawee, abe bike biland ni bifiitee. Aruun keenooto ku Esuwif n'áriyemi naane biland bite nike neenoŋke néelooñin, abe ni bísikee beesukenee ti baabu bifiitee du. Hahiyu halan huhu húnuutin ti kíjiŋ kite nunukanuk nondu neenawee nu ufu huwunuun sembe.

Eleetar i yi Pool akiñje i bakate ku Rom 11:17 Referans Kwoze

Efees 3:6

Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Saaŋ 15:2

Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Májiye 21:43

Yesu n'áwutiyen aane: —Iŋ'ite ho h'eenuun fu: *Jáyi jite Atambatun kanuutanee t'aruun jeesaanee bakaake keeyak káhinu meejake.

Kolos 2:13

Hítiyar hu, árimoomi t'Atambatun naane bakan keekete iŋ'ite wuhoofoor woonuun, ni naane ariteyit i karam. Bare hahiye Atambatun áhinuunhin ariisooñ ariroŋ ni Kiris. Aboŋketaboŋket úne wuhoofoor wute w'úne fe.

Epotor i 2:39

Ábuki aanaan o kawunuuun bo, aruun, ni bakañuuun, ni keekine ku t'akambe, bija yooŋ ni k'Atemit Atambatun ite úne ayak ku karuwu kareyi fe.

Kafeeñal ku 11:4

Eseede yendu kasiiŋasiiŋo hágila Atemit ite etaam i. Boko kaamo fu *ñúolifiye ñúsuba ñu, ni báanaŋum bite múrundoora músuba mu.

Saaŋ 15:6

An eejokut u t'íñje, o káfiitenee tíyaŋ naane kaaland keefiitee. Abe biland bu ifi bibin bisay, iŋi biheree béefiitenee ti sineemak béesufo.

Galasi 2:15

Uni keebukee ku Esuwif, irinooto ni keenooto ku Esuwif k'iriene ku boko ehoofoora.

Saaŋ 15:1

Yesu n'asooñ aane: —Íñj'eemo fu nunukanuk nite nu nu múniyo nunnu nubuk *kireseŋ ku, abe Faafam af'atofotoor no.

Eleetar i yi Pool akiñje i bakate ku Rom 11:24

Aruun keenooto ku Esuwif, árimoomi naane biland bite núolifiye neenoŋke néelooñin, abe ni bifiitee beesukenee ti nike neenawee. Bondu bítaañataañi káhinu. Esuwif i ni káyemi biland bififi bu bite neenawee nu: bo kahaŋu katoofu kasuken tu nunukanuk nu ti bifiye du bulooñ.