Eleetar i yi Pool akiñje i bakate ku Rom 1:21 - Kwatay (Kuwaataay)

²¹ ábuki naane aamo i kámoomi fe kaanuku Atambatun abajabaj, kájeŋginaariito. Káanaariito yooŋ eyeehen naane kawaro i yéeni káhinu, kasooñen biyinoor booniin buñunut, siheliin seereeŋut su yooŋ ni síyemi t'ébaani.

Eleetar i yi Pool akiñje i bakate ku Rom 1:21 Referans Kwoze

2 Timote 3:2

Múniyo ésuk i kayinoor huruw hikawo, ni kámaŋi yooŋ sírirem, boko kamaku, ni kayitooro yooŋ, abe ni kálafatin Atambatun. Iti kájeŋgin sifaafiin ni síñaayiin, iti kaane an eyeehen, abe boko biteñeko yooŋ doon fe deenabe.

Kafeeñal ku 14:7

N'aŋ'ataŋk t'etiir aane: «Árikoleyi Atambatun, abe n'árinikano! Ábuki ewahatu y'aja i kajoonan kite kúŋgowulan ku ereeŋa. Árisukaay an éewuwane u bufor bu, n'etaam i, ni han hu, ni tánotan fe tu móhujo míniina meemo!»

Saaŋ 3:19

Bakan naane an ondu kajoonanee aŋarkeyi naane meejaaŋe mu mibinabin t'etaam ye, ni kateñeko mo kéemaŋi ébaani i, ábuki kánoŋkaariit ajakee.

Kafeeñal ku 15:4

Aañ atuf'ákoleyii, Atemit? Aañ ayak fu biteñeko kánikani? Ábuki awe unooni taŋ a̱nabe fu, abe biheet bu fe bibin béesukaayi, aŋarkeyi naane bukuura kaanuku manoŋkar múuwe mujoŋoorajoŋoor.»

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

Eleetar i yi Pool akiñje i bakate ku Rom 11:10

Yala ñíkiniin nu ñukumbo ayak abin áami iŋkut kajuk; áhiniin kéeŋuuho hiraanu.»

Eleetar i yi Pool akiñje i bakate ku Rom 1:28

Naane aamo i kateñekateñeko kámeyi Atambatun, Atambatun n'awasiin nu búwesinato booniin beeñunut bu kaanuku iŋi káhin buroon bi kawarut bu káhinu.

Eleetar i yi Pool akiñje i bakate ku Rom 1:19

B'an áyinie kámeyi t'Atambatun bukuuriinkuur but, ábuki akina humuumo áwufooriin fu bo.

Eleetar i yi Pool akiñje i bakate ku Rom 15:9

Abinabin yooŋ kaanuku man keenooto ku Esuwif ni kasokoroor Atambatun iŋi kajaku koone, naane busokee i ti *Míkiñjin mu. Meenaan: «Iŋ'ite ho aamo fu íñje kasokoroori ti keenooto ku Esuwif, abe n'ihooñi.»

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

1 Piyeer 1:18

Árimoomi bajaam beejaamee bu kaanuku ariifakanee tu buroŋ beebajut bii éñjeriŋ, bi sifaafuun kómbokun kátifenuun bu. Bijaamutee nu buroon béefiyaariit naane sírirem, man yooŋ éwurus.