Eleetar i yi Pool akiñje i bakate ku Rom 1:17 - Kwatay (Kuwaataay)

¹⁷ Múniyo Hirim Heetoofe hu húwufoorawufoor buŋ b'Atambatun af'ajok húŋgowulan an éejube: ti káyilen ku taŋ. Ti káyilen ku tu bondu bíjabina fu, ni biraan yooŋ te ko, naane busokee i ti *Míkiñjin mu. Meenaan: «An éejube, buroŋ boone káyemi bite káyilen.»

Eleetar i yi Pool akiñje i bakate ku Rom 1:17 Referans Kwoze

Galasi 3:11

Náami bukuurakuur but kaanuku Atambatun at'ajok ake an éejube aŋarkeyi naane an ondu ájeŋginajeŋgin Eluwa yite Moyis, ábuki Míkiñjin mu meenaan: «An éejube, buroŋ boone káyemi bite káyilen.»

Esuwif i 10:38

Atambatun aane: An éejube t'íñje, buroŋ boone káyemi bite káyilen. Bare af'añako, hikawam man hutoof te o.»

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

Eleetar i yi Pool akiñje i bakate ku Rom 9:30

Náami uŋ'úene yooŋ buŋ? Keenooto ku Esuwif kaŋesut káyemi bakan kéejube t'Atambatun, bare Atambatun ajokiinjok bakan kéejube iŋi naane káyilene i ti *Kiris.

Eleetar i yi Pool akiñje i bakate ku Rom 3:21

Bare hahiye Atambatun áwufoorawufoor buŋ b'af'ajok húŋgowulan an éejube, abe bondu bukolut *n'Eluwa yite Moyis. Eluwa i bare esokasok bo, *n'eyiŋana yite Atambatun yooŋ.

Eleetar i yi Pool akiñje i bakate ku Rom 3:3

Náami arko bakaake tu boko kajoŋoorut, n'uŋ'úene fíya buŋ? Atambatun n'aŋ'araan yooŋ kajoŋoor ku aŋarkeyi naane boko kajoŋoorut?

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Eleetar i yi Pool akiñje i bakate ku Rom 3:22

Kéejube ku t'Atambatun kaamo fu bakan ku fe kéeyilene ku ti Yesu *Kiris. Te o, kúŋgowulan ku kawayeit,

Eleetar i yi Pool akiñje i bakate ku Rom 10:3

Kánandinut buŋ b'Atambatun af'ajok ésuk i bakan kéejube, bare kaŋesaŋes kasiiŋan bifehe booniin bite kájubu ku. Iyu i kateñekee fu efehe yite Atambatun yey'éhin ésuk i kéeyemi bakan kéejube.

2 Korent 3:9

Arko burok bite Eluwa i yey'etinan ésuk i bisilanasilan, bumbu bujok ésuk i bakan kéejube hágila Atambatun n'iŋi bihaŋ tu dómbokun!

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.