Eleetar i yi Pool akiñje i bakate ku Rom 1:14 - Kwatay (Kuwaataay)

¹⁴ Íñje an eeware kawaare ésuk i fe: kéeniyee ku ni kéeniyeit ku, keejaŋgee ku ni keejaŋgeit ku.

Eleetar i yi Pool akiñje i bakate ku Rom 1:14 Referans Kwoze

Kolos 3:11

Hahiyu aŋkut abaj bokonde Esuwif, bokonda kanooto Esuwif; bokonde *kateyatey karam, bokonda kateyit karam; bokonde kániyeit, bokonda baataaŋaat; bokonde búsukateen, bokonda kanooto búsukateen. Bare *Kiris taŋ abaje fu, o eeemo u doon areyi fe, abe n'áyemi ti bakan koone kareyi fe.

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Epotor i 22:21

Bare Anahaan u n'aanam: «A̱ja, ábuki íñje kaboñii t'akambe, ti keenooto ku Esuwif.»

Eleetar i yi Pool akiñje i bakate ku Rom 12:16

Arijok ésuk i fe kare. Atum'ariyitooro, bare arijokoor ni bakan keejokutee ku doon fe. Atum'arijokooro bakan kéewesinatee.

2 Korent 11:19

Ábuki aruun keejokooree ku naane kúwesina, uŋu hutoofuun aa kane árimuñal busoŋ bu!

Eleetar i yi Pool akiñje i bakate ku Rom 16:19

Aruun bare, ésuk i fe émoomi kaanuku árijeŋginajeŋgin Anahaan u. Hikawam hutoofa dómbokun uŋu hoonuun hu. Bare ímaŋamaŋi áriwesinato aŋ'aribin árihin meejake mu, abe atum'arikol ni meejakut mu.

Eleetar i yi Pool akiñje i bakate ku Rom 13:8

Atum'áriyekioori doon fe, kane arko taŋ kámaŋioori ku. An af'ámaŋi bakaaku, ájeŋginajeŋgin *Eluwa yite Moyis áhabanein.

Eleetar i yi Pool akiñje i bakate ku Rom 8:12

Náami kújakuwe, buroŋ bite b'úne buwarawar katoofu Búwejet bite Atambatun, káanukiiit beetoof sini site s'úne.

Eleetar i yi Pool akiñje i bakate ku Rom 1:22

Iŋi kaane boko káwesinatee, bare kabajut kikaw.

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

2 Timote 2:10

Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

2 Korent 10:12

Irikañenut kaliikool, man yooŋ n'iriŋes kareyi ni bakaaku kiŋki kajokooro bakan kómbokun. Tu boko kumuumiin t'ifi kaliik, tu boko kumuumiin yooŋ t'ifi kaliikoolo. Diyu búsoŋotoiit?

1 Korent 14:16

Af'a̱law Atambatun ti kíhaminiin kuway kaanuku a̱aano eyeehen, abe bakan kéemusut kajamu báhamin naane bondu ni káyemi toko ti kéeyilene ku, kámeyiit yooŋ naŋ n'a̱soke fu, buŋ bi kaja fu kaanu «Amiin» ti kalawu kúuwe?

1 Korent 14:11

Ifit'ijam bare kíhaminiin k'an áhamine n'íñje, an ondu káyemi t'íñje amoosoora, n'íyemi te o yooŋ amoosoora.

1 Korent 3:18

An atum'abuut hikawo: ake t'aruun af'aliik ti bakate ku t'etaam ye n'aane áwesinatawesinato, aja áyemi t'ésuk i naane an eewene, t'áami nu múniyo áwesinatawesinato.

1 Korent 2:13

Abe uŋ'úsok bo, káanukiiit man ni báhamin béenuutina tu búwesinato bite húŋgowulan, bare ni báhamin bu Búwejet bite Atambatun biliikene bu úne. Iyu uf'úkam buroon bite Atambatun keebaje ku Búwejet boone.

Eleetar i yi Pool akiñje i bakate ku Rom 11:25

Kújakuwe, ímaŋamaŋi áriimeyi béenuusee bonde kaanuku atum'aribin arijokooro bakan kómbokun: bakaake ti bakate ku *Israyel, ñúwejet ñooniin aŋ'ábaani. Bondu bifiyo yooŋ ayak abin áami bakan k'Atambatun ajifane ku ti baabu biheet fe kajoka bítim bite *Kiris.

Epotor i 28:4

Hi keekine ku t'ekiŋk i kajuke hu naane ésunduk i ee eleŋkoloolo t'emoŋio, ni kaanoor: —Mánoman áyin ondu ayoola bakan. Naane afake i ti han hu fe, atambatun eejoŋoore u ajukerajuker n'aane at'awaso eeroŋ.

Epotor i 28:2

Keekine ku bo ni kajok uni atoof dómbokun. Ni kátifan kaañen kómbokun, abe ni karuw uni, ábuki etiir i émoomi ti kanubu, abe aŋ'ajokokan naane.

Hirim Heetoofe hu hi Luk akiñje hu 10:21

T'ewahatu yendu yoyo, Búwejet Beenabe bu ni bíhin Yesu éetumb akontaan naane ayak aane: —Faafa, Atemit ite bufor bu n'etaam i, íñj'endu ti kaanii eyeehen naane á̱wufoore i kéemeyiit ku doon fe múniyo m'á̱nuuse mu bakan kéewesinatee ku, ni kéewuwe ku. Hee Faafa, ho hutoofi ni bija iyu.

Májiye 11:25

Tu kunak kondu Yesu n'aane: —Faafa, Atemit ite bufor bu n'etaam i, íñj'endu ti kaanii eyeehen naane á̱wufoore i kéemeyiit ku doon fe múniyo m'á̱nuuse mu bakan kéewesinatee ku, ni kéewuwe ku.