Mark 9:25 - Kwatay (Kuwaataay)

²⁵ Yesu n'ajuk kaanuku ésuk i bokondu ti kahaŋu káhoojina. N'akamoor t'erab éemuuma i, abe n'aane yo enuut t'añi u, etum'eŋk'eyooso te o.

Mark 9:25 Referans Kwoze

Epotor i 16:18

N'áhin bondu kunak keehooje. Hireeŋ toko, Pool n'átumb ayiŋat asooñen n'aweteko abe n'aane erab i: —Íñje isok fee n'awe tu huruwu hite Yesu *Kiris: a̱nuut t'ásuŋgute ondu! Toko-toko yooŋ, erab i n'enuut te o.

Hirim Heetoofe hu hi Luk akiñje hu 9:42

Añi u ondu ti kátofina ku, erab i n'ekaloo t'etaam, abe n'eyoŋoŋano ni sembe. Bare Yesu n'akamoor t'erab i; n'áhin añi u éekoyi, abe n'abatikano faafo.

Mark 9:15

Hi hahooja hu hujuke hu Yesu, ni kajahale dómbokun. Ni katey kayaajanooroo kaanuku keesaafo.

Májiye 17:18

Hi kabine hu ne o, Yesu n'akamoor t'erab i. N'enuut t'añi u, n'ahaŋ ákoyi toko-toko.

Eleetar i yi Sud akiñje i 1:9

Humuum Misel aseef ite emalaka i áhinut bondu. H'aamo hu káñakoorino ni Setani kaanuku kéemeyi aañ tu boko aja fu kásiku ehunuŋ ite *Moyis, ajukerut te o n'aane éelafatino. Aanoen kep: «Atemit abin anij t'awe!»

Hirim Heetoofe hu hi Luk akiñje hu 11:14

Yesu n'abin áyemi ti kákutoor erab yeejoke ake ániine, abe n'éhino ayinaat báhamin. H'erab i enuute hu, ámuuma u n'áyemi toko ti báhamin. Hahooja hu fe ni hijahale dómbokun.

Hirim Heetoofe hu hi Luk akiñje hu 8:29

Ániine u asokasok bondu ábuki Yesu áhaminahamin erab i ayan faŋ, aane yo enuut te o. Erab yendu, kuhoojahooj aa eŋ'éhin ániine u eeritan. Iŋi kakulo, ni kayit baasel keekobo sumoŋu, abe ni kayit ñañ keekobo wuwot kaanuku man n'abeb. Bare aŋ'afaran ño fe, abe erab i n'eŋ'etiŋgo eeja t'eramba i.

Hirim Heetoofe hu hi Luk akiñje hu 4:41

Sirab yooŋ nu sunuut ti bakan keehooje ku sujoke, ti kataŋku t'etiir iŋi seene: «Awe a̱amo fu Añi ite Atambatun!» Bare Yesu n'aŋ'akamoor te so, abe n'áhin so seekoowan, ábuki súmoomi kaanuku akina aamo fu *Afakana u.

Hirim Heetoofe hu hi Luk akiñje hu 4:35

Yesu n'akamoor t'erab i abe n'aane yo: —A̱koowan, abe n'a̱nuut t'ániine ondu! Erab i n'éfiiten ániine u t'etaam hágila ésuk i fe, abe n'enuut te o t'enufanuto.

Májiye 12:22

Bakan ni kabin ti Yesu n'ake ániine éefuume, ayinaat yooŋ báhamin, ábuki erab ejokojok. Yesu n'áhino éekoyi ayak aŋ'áhamin abe n'aŋ'ajuk.

Mark 9:24

Toko-toko, faaf ite añi u n'ataŋk t'etiir aane: —Íyilena! Bare á̱yokunanam, ábuki káyilen kúuma kifamut!

Mark 9:26

Erab i n'ejaŋg t'etiir, n'eyoŋoŋan añi u ni sembe, abe n'enuut te o. Añi u, aŋ'a̱juk naane an eekete. Kéeyemie ku toko kasooñen ni kaane: «Aketa fu!»