Mark 8:38 - Kwatay (Kuwaataay)

³⁸ Isokuunsok bonde ábuki ake ti bakate ku hahiye kéewuŋge ku Atambatun kiñaawu, ehoofoora yooŋ, af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku kite Faafo, akina n'emalaka i keenabe ku.

Mark 8:38 Referans Kwoze

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

1 Saaŋ 2:23

Abe an eeteñekee Añi u, ámeyiit yooŋ Faaf u. An éesiiŋooreina n'Añi u, ámoomi yooŋ Faaf u.

Saak 4:4

Aruun fu bakan kéejubut! Árimeyiit kaanuku kámaŋi aduna i aamo fu kahuufu Atambatun? An af'ámaŋi kábuki n'aduna i, áhinooraa anatoora ite Atambatun.

Hirim Heetoofe hu hi Luk akiñje hu 9:26

Ábuki ake af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku koone, ni kite ku Faafo, ni kite k'emalaka i keenabe ku.

2 Timote 1:8

Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.

Májiye 26:64

Yesu n'aano: —Awe a̱soke fii. Abe íñje isok fee n'aruun: áfiitin ti hahiye, aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin tu bufor bu.

Májiye 16:27

Isokuunsok bonde ábuki *Añi ute Húŋgowulan hu bibin ti sembe sómbokun site Faafo n'emalaka yeene, abe n'aŋ'abatikan huruw fe doon d'aroke du.

Esuwif i 11:26

Ajukajuk náami ifi kálafatino naane yooŋ *Afakana u, bondu bihaŋahaŋ ebaj ite Esipt fe. Ayinoorayinoor bondu ábuki ásikasik ñíkino fe anaŋ ti hisiibanu hite hágila.

Esuwif i 11:16

Bare hikinu heehaŋe katoofu hi kámaŋie fu: ho heemo fu hikinu hite t'etiir. Iŋ'ite ho h'Atambatun áfuñaariit fu aŋ'aanee Atambatun ooniin, ábuki afareiinfare hikinu.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Májiye 12:39

Yesu n'aaniin: —Aruun bakate ku hahiye arijakut, áriwuŋgawuŋg yooŋ Atambatun kiñaawu, abe bare n'árimaŋi kajuku beehaŋuun kikaw. Bare at'áriwufooree mayet bifeeneŋ, kane arko taŋ beebaje bu *Sonas *ayiŋana ite Atambatun.

Saaŋ 1:51

N'asooñ aane: —Iisokuun bifeeneŋ bu: aruun kajuku kane bufor bu bífeŋgino, emalaka yite Atambatun ti bisiro, abe n'iŋi káwanein *t'Añi ute Húŋgowulan hu!

Májiye 25:31

—*Añi ute Húŋgowulan hu af'aja abin naane áyi, akina n'emalaka i kareyi fe, o biriiko t'eriikeey yeene yéenike i.

Májiye 24:30

Náami éluwenuma yite *Añi ute Húŋgowulan hu káŋaasina tu bufor bu. Ésuk i ereyi fe kalolobool, abe n'iŋi kajuk Añi ute Húŋgowulan hu ti bibin tu bufor bu ni sembe, o káanikin naane.

Hirim Heetoofe hu hi Luk akiñje hu 19:26

N'aaniin: “Íñje isok fee n'aruun: an eebaje, o káwutiyenee ahaŋ doon d'abaje du. Bare an éetumbut u abaj, humuum diŋgiŋgilis d'abaje du karamiee.

Májiye 13:41

Añi ute Húŋgowulan hu kaboñu emalaka yeene keenuutan ti Jáyi joone ésuk i fe kiŋki kaneyan bakaaku tu wuhoofoor, ni kéenijaariit ku ajakee,

Esuwif i 13:13

Náami úja úŋaaboo tíyaŋ hikinu hu, núulafatinee naane akina.

2 Timote 1:16

Onesifoor bare nu butoŋ boone, Atambatun aja áwufooriin kajaku koone. Ábuki akina af'afand karooŋan eholam, aanut yooŋ ífuñinanafuñinani te o naane eemo ee t'ekulu i.

Galasi 6:14

Íñje bare, ekuruwa yite Anahaan ite úne Yesu Kiris taŋ y'ija fu kamaku. Eket yeene t'ekuruwa i ékinineŋe fu n'ijok buroon bite aduna i naane beekete, bo yooŋ nu bujokam naane an eekete.

Epotor i 5:41

Epotor i ni kanuut ti báajoonanum bu, kikawiin káatoofin ti naane Atambatun ajokiin i kaanuku kéelafatinee uŋu huruwu hite Yesu.

Saaŋ 12:34

Hahooja hu ni heeno: —Busokeesok t'Eluwa i kaanuku *Afakana u, buroŋ boone bite hiraanu. Buŋ b'a̱yino fu kasooñu a̱ane *Añi ute Húŋgowulan hu awarawar kayitiee t'etiir? O aamo fu aañ, Añi ondu ute Húŋgowulan hu?

Saaŋ 5:27

Abe n'asooñ awuno sembe site kajoonan, ábuki akina aamo fu *Añi ute Húŋgowulan hu.

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Mark 14:62

Yesu n'ásafino aano: —Hee, íñje fu! Abe aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin nu bufor bu.

Májiye 16:4

Aruun bakate ku hahiye arijakut, áriwuŋgawuŋg yooŋ Atambatun kiñaawu, abe bare n'árimaŋi kajuku beehaŋuun kikaw. Bare at'áriwufooree mayet bifeeneŋ, kane arko taŋ beebaje bu *Sonas. Ahaban, n'awasiin toko eeja.

Májiye 8:20

Yesu n'aano: —Búlutoon bu bibajabaj wuyeen, bilele bu yooŋ bibajabaj búwuulu. Bare *Añi ute Húŋgowulan hu abajut tiŋ t'ayino buhuruso eeyihan enio.

Májiye 16:28

Iisokuun bifeeneŋ bu: bakaake ti keeemo kee diye iti kaket ti kajukut Añi ute Húŋgowulan hu ti bibin ti Jáyi joone.

Mark 8:37

Naŋ nu húŋgowulan áyinie fu kajaamu kaanuku eefakan síhiinio?

Mark 13:26

Abe ésuk i n'iŋi kajuk *Añi ute Húŋgowulan hu ti bibin tu bufor bu ni sembe sómbokun, o káanikin naane.

Epotor i 10:22

Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

1 Tesalonik 2:19

Aañiin kaamo fu eyakar ite uni? Aañiin kayak fu kákinineŋ n'iritoofan, abe n'iribaj yooŋ hisiibanu hite búriiŋan bu b'irija bu kasaŋgoor ne bo hágila Anahaan ite úne Yesu *Kiris kane ábatikein? Eeman aruun?

1 Tesalonik 3:13

Káhinu iyu, o káwutiyenuun sembe kaanuku man hunak h'ábatikein hu te ho, akina Anahaan ite úne Yesu ni bakan k'akino ku fe, n'aŋ'áriyemi bakan keenabe hágila Atambatun Faaf úne, abe an at'áyiniuun kawatan tu doon areyi fe.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

Kafeeñal ku 14:10

o yooŋ búhujo ébiñ ite Atambatun yite i kane ayiŋat! Ébiñ yendu káyunanee t'ejoofutee t'ekot ite Atambatun yite i kane ayiŋat. Kiŋki kanij ii fe káhihinooree ti sineemak su n'efor yéesufe i tu buhooŋu emalaka i keenabe ku n'Ametek u.