Mark 8:33 - Kwatay (Kuwaataay)

³³ Bare Yesu n'aweteko. N'áheelin eriboora yeene, abe n'akamoor ti Piyeer aano: —A̱kambam «Setani»! Ábuki aŋ'a̱yinoor naane kúŋgowulan ku, bare náaneiit Atambatun.

Mark 8:33 Referans Kwoze

Májiye 4:10

Náami Yesu eeeno: —A̱ja Setani! Ábuki busokeesok ti Míkiñjin mu kaanuku: «Á̱sukaay Atemit Atambatun úuwe, abe n'á̱jiŋgitan hágilao, o unoono taŋ.»

1 Saaŋ 2:15

Atum'árimaŋi etaam i, nu buroon beeemo bu te yo fe. An af'ámaŋi etaam i, an ondu ámaŋiit Faaf u.

Fílip 3:19

boko búmuje tu bútowuto, ábuki kariin keemo fu etambatun yeeniin, abe beewariin bu yéeni káhinu keefuño, ne bo n'ifi kasaŋgoor. Buroon bite bu t'etaam ye taŋ b'ifi kayinoor.

Kafeeñal ku 3:19

Bakan k'ímaŋie ku fe, iŋ'ijoŋooraniin abe n'ímiñiin. Náami á̱ñiŋkaan á̱habanein, abe n'a̱watanooro wuhoofoor wúuwe.

1 Piyeer 4:1

Makamu *Kiris ajukajuk sílaam t'enio, ariwarawar yooŋ bifare kajuku sílaam naane akina, ábuki an af'ajuk sílaam t'enio, awasoora ni kaahoofoor.

1 Timote 5:20

Kiŋki káhin wuhoofoor wu, a̱kamoor tu boko tu buhooŋu ésuk i, man bakaaku yooŋ ni kákoleyi.

1 Korent 5:5

Kóŋkeyin, árisik ániine ondu arisaan Setani man enio n'ébujo, búwejeto béeyini kafaku hunak h'Anahaan u ábatikein hu te ho.

Hirim Heetoofe hu hi Luk akiñje hu 22:61

Anahaan u n'aweteko abe n'áheelino. Náami Piyeer ábaŋinaa b'Anahaan u abine bu asoko aano: «Úmiye, bala káajuloon ku kusok, awe kaanu á̱meyiitam kireeŋ kíhaaji.»

Mark 3:34

Ahaban, n'áheelin keeriikee ku káhino t'etut abe n'aane: —Áriheelin, íñaayam ni bakat'am bokonde!

Mark 3:5

Yesu n'áheeliniin káayiŋatin naane. Átaañianataañian yooŋ naane ñúwejet ñooniin ñíbaanie i. N'aane ániine u: —A̱raaw emoŋii. Ániine u n'araaw yo, náami ékoyia, ebatikaa naane hítiyar hu.

Májiye 15:23

Bare Yesu ásafinuto mayet hirim hifeeneŋ. Eriboora yeene ni kátofin, abe ni kalawo kaano: —A̱ano ayeet, ábuki ondu ti kasayi úne ti hiñaawu, ti kafiiŋan úne yooŋ kep.

Eleetar i yi Pool akiñje i Tit 1:13

Abe b'asoke bu bite toko. Iŋ'ite ho aamo fu a̱kamoor tu boko ásuf man káyilen kooniin nu kujoŋoor.

Hirim Heetoofe hu hi Luk akiñje hu 9:55

Yesu n'áwuŋgan nu booniin abe n'akamoor tu boko.

Hirim Heetoofe hu hi Luk akiñje hu 4:8

Yesu n'aano: —Busokeesok ti Míkiñjin mu kaanuku: «Á̱sukaay Atemit Atambatun úuwe, abe n'á̱jiŋgitan hágilao, o unoono taŋ.»

Májiye 16:23

Bare Yesu n'aweteko abe n'aane Piyeer: —A̱kambam «Setani»! Aw'ondiam ti kafitu, ábuki aŋ'a̱yinoor naane kúŋgowulan ku, bare náaneiit Atambatun.