Mark 7:34 - Kwatay (Kuwaataay)

³⁴ Ahaban, n'áheelin t'etiir; n'ayih rooh abe n'aane: —Efaataa! (aamo fu: «Á̱feŋgino!»)

Mark 7:34 Referans Kwoze

Saaŋ 11:41

Náami keenuutan elaaliñj i. Yesu n'áheelin t'etiir abe n'aane: —Faafa, íñj'endu ti kaanii eyeehen naane á̱jeŋginam i.

Mark 6:41

Yesu n'ayit kumburu ku hutok hu ni misaan músuba mu, abe n'áheelin t'etiir. N'aane Atambatun eyeehen. Ahaban, n'afiitar kumburu ku, abe n'asaan ko eriboora yeene kéeruboor hahooja hu. N'árubooriin yooŋ misaan mu.

Mark 5:41

N'ajoko t'emoŋu abe n'aano: —Talita kumi! (aamo fu: «Básuŋgut, a̱rito, íñje isoki fee!»)

Epotor i 9:34

Piyeer n'aano: —Ene, Yesu *Kiris aritani ti kásomut ku! A̱rito, abe n'a̱tan elal íiwe. Toko-toko yooŋ, Ene n'arito.

Saaŋ 11:33

Hi Yesu ajuko hu ti biyiy bu, akina Mari n'Esuwif i kéeseino ku ti hiñaawu, nu hujoko t'eni dómbokun.

Mark 15:34

Abe hi tifese hii, Yesu n'ataŋk t'etiir aane: —Eloyi, Eloyi, lema sabaktani? (aamo fu: «Atambatun úuma, Atambatun úuma, iŋi naŋ n'a̱wasanam fu?»)

Mark 8:12

Yesu n'ayih rooh abe n'aaniin: —Iŋi naŋ ni bakate ku hahiye kámaŋie fu kajuku bike beehaŋiin kikaw? Aaa! Iisokuun bifeeneŋ bu: at'áriwufooree bike beehaŋuun kikaw!

Epotor i 9:40

Piyeer n'anuutan ésuk i fe, n'ájiŋgitan, abe n'alaw Atambatun. Ahaban, n'aweteko inde ehunuŋ i abe n'aane: —Tabita, a̱rito! Anaare u n'áheelin ñíkino, abe h'ajuke hu Piyeer, n'arito ariiko.

Saaŋ 11:43

H'asoke hu bondu ahaban, n'ataŋk aane: —Lasaar, á̱nuutin diyu!

Esuwif i 4:15

Asaraha ómbokun u úbaje u, káanukiiit man butumo bunooto ti sílaam site s'úne. Aŋeseeŋes kañakiee ti kaahoofoor kánokan naane úne, bare ahoofoorut mayet.

Saaŋ 17:1

Hi Yesu áhamine hii ahaban, n'ayit ñíkino t'etiir abe n'aane: —Faafa, ewahatu i ereeŋa. Á̱nikan Añi úuwe man Añi úuwe yooŋ n'ánikani.

Saaŋ 11:38

Nu busooñ bujok Yesu t'eni dómbokun. N'aja t'élum i. Émoomi t'elaaliñj yómbokun yeebaje kaawuŋ níbahindaa, abe eke elaaliñj éfibeefib ti karuŋ ku.

Saaŋ 11:35

Yesu n'ayiy.

Hirim Heetoofe hu hi Luk akiñje hu 19:41

Hi Yesu ahaŋe hu kalohen hikinu hu, aŋ'ajuk ho, n'asaboor te ho

Hirim Heetoofe hu hi Luk akiñje hu 18:42

Yesu n'aano: —A̱juk! Káyilen kúuwe kíkinineŋa n'á̱koyi.

Hirim Heetoofe hu hi Luk akiñje hu 7:14

Ahaban, n'atof abe n'agor katambas ku. Keeyite ku ko ni kasiiŋo. Yesu n'aane: —Óom, íñje isok fee n'awe, a̱rito!

Mark 1:41

Yesu n'ayubiyen ániine u naane. N'araaw emoŋio, eegoro abe n'aane: —Ímaŋamaŋi fu, á̱koyi!

Mark 7:35

Toko-toko, náami ániine u asiŋa ajam, n'áyini yooŋ báhamin. N'aŋ'áhamin toko akuur but.