Mark 7:15 - Kwatay (Kuwaataay)

^15-16 doon d'an áhine tu butumo diyinaat kákinineŋ náami an ondu *akuurut t'Atambatun. Bumbu búnuutin ti hikawo ifi bíkinineŋ n'ákuuraati t'Atambatun.

Mark 7:15 Referans Kwoze

Eleetar i yi Pool akiñje i Tit 1:15

Bakan *keekuure, doon fe dukuurakuur tu boko; bare bakan keekuurut, abe yooŋ káyilenut, doon fe dukuurut tu boko. Ábuki biyinoor booniin bubuubatabuubat, ni sihel sooniin fe.

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.

Esuwif i 9:10

Buluwa bite ti sini taŋ beemo fu diyu, tu buroon b'an awarut kateŋu, nu búhujo, ni sifasoŋ seehooje site biñawo bite *bukuuranooro. Bisiiŋasiiŋo bija kóyin k'Atambatun aja ku káhinu buroon bu fe béeyemi bíyeni.

Májiye 12:34

Ñuroon ñondu! Buŋ b'ariyino fu káhamin atoofee, abe bare arijakut? Ábuki fu butum af'ánuutann beeemo bu tu búwejet bu.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

1 Korent 10:25

Áriyinooni kateŋu efuwa fe yéejoohennee marse. Ariyakut búbujooro sihel ti kákandijen diin t'énuutina fu, man yite *kaasarah man yooŋ.

Epotor i 10:28

N'aaniin: —Árimoomi kaanuku Eluwa yite y'uni eenaan Asuwif awarut kariboor n'an eenooto Asuwif, man yooŋ n'ayooso te o. Bare Atambatun áwufooramwufoor kaanuku iwarut kajuku an n'eene akuurut, man yooŋ áñeyañeyi.

Májiye 15:16

Yesu n'aane: —Butum aruun yooŋ arijokut?

Mark 7:14

Ahaban, Yesu n'asooñ aruw hahooja hu abe n'aaniin: —Arijamatan jak arireyi fe áriimeyi bonde: