Mark 6:34 - Kwatay (Kuwaataay)

³⁴ Hi Yesu awanee hu tu busoona bu, n'ajuk hahooja hu; n'átumb fu ayubiyeniin naane. Ábuki kanokooranokoor naane bíkarniina beebajut ahaawa. Náami ásita kaliikeniin buroon úkaan t'Atambatun.

Mark 6:34 Referans Kwoze

Májiye 9:36

H'ajuke hu hahooja hu, n'átumb fu ayubiyeniin naane, ábuki siheliin sibebut, abe kámeyiit naane kaja i, naane bíkarniina beebajut ahaawa.

Hirim Heetoofe hu hi Luk akiñje hu 9:11

Bare bakan keehooje ni kajam bo, ni kanabano. Yesu n'áhamin nu boko. N'asokiin mite *Jáyi jite Atambatun, abe n'aritan kéesomute ku.

Esuwif i 4:15

Asaraha ómbokun u úbaje u, káanukiiit man butumo bunooto ti sílaam site s'úne. Aŋeseeŋes kañakiee ti kaahoofoor kánokan naane úne, bare ahoofoorut mayet.

Májiye 14:14

Hi Yesu awanee hu tu busoona bu, n'ajuk hahooja hu; n'átumb fu ayubiyeniin naane. N'aritan kéesomute ki kaje ku nu boko.

Esuwif i 2:17

Iŋ'ite ho h'aware fu kanokoor ni bakano tu doon areyi fe, kaanuku eebin éeyemi *asaraha ómbokun u, éemeyie kayubiyen an, abe n'ájub tu burok boone hágila Atambatun. Iyu a áyinie fu kásiku buroŋ boone eesarah kaanuku man wuhoofoor wute ésuk i nu wuboŋketee.

Májiye 15:32

Yesu n'aruw eriboora yeene abe n'aaniin: —Ítumbatumba iyubiyen hahooja hondu, ábuki abajee hahiyu kunak kíhaaji bokondu n'íñje, abe karoŋut nu doon dite buñoofo. Ímaŋiitiin yooŋ kayeetan iyu ti kañoofeit, n'iŋi kajendan káliimu ti bítim bu.

Mark 6:33

Bare bakan keehooje ni kajukiin ti bija bu, ni kakeetaniin. Náami ésuk i iŋi kánuutin ti kikinu ku kireyi fe, iŋi káteyin ayak abin áami kajaba kareeŋiin ti kaja du.

Mark 6:35

To ti bija kajonu, eriboora yeene ni kátofin kálohino abe ni kaano: —Tujona fu, abe an akinut nere.

Mark 8:1

Tu kunak kondu, bakan keehooje-hooj n'iŋki kaja kaŋaabo Yesu. Náami makamu kabajut doon dite buñoofo, Yesu n'aruw eriboora yeene abe n'aaniin:

Mark 8:2

—Ítumbatumba iyubiyen hahooja hondu, ábuki abajee hahiyu kunak kíhaaji bokondu n'íñje, abe karoŋut nu doon dite buñoofo.