Mark 6:2 - Kwatay (Kuwaataay)

² *Erimaas ite Esuwif i ereeŋa, Yesu n'áyemi ti *báalawum bu ti kaliiken ésuk i mite m'Atambatun. Hahooja héeyemie hu toko ti bajamatan bu ni hijahale dómbokun. Iŋi kaane: —Diin fíya t'af'ájamin ii? Káwasi kondu haanen? Buŋ b'af'áhin buroon bondu beehaŋe bu úne kikaw?

Mark 6:2 Referans Kwoze

Saaŋ 6:42

Ni kaane: —An ondu kereŋ Yésuiit, añi ite Siseef? Úmoomi faafo n'íñaayo. Buŋ b'af'asooñ aane hahiye t'etiir t'ánuutina fu?

Saaŋ 7:15

Esuwif i ni kajahale, abe n'iŋi kaane: —Áyin ondu ámusut kabaju ámuse ite *Eluwa yite Moyis eeliikeno *Míkiñjin mu. Buŋ fíya b'ámeyie fu bondu?

Májiye 4:23

Yesu n'añaahoor *Gálile ereyi fe, aŋ'aliiken ésuk i ti *ñáalawum ñu, n'awaare Hirim Heetoofe hu hite *Jáyi jite Atambatun, abe n'aritan ésomuta i, bakate wúsomut wánowan, ni kéetime ku fe.

Májiye 7:28

Hi Yesu átibane hu, kéeyemie ku toko kareyi fe ni kajahale ti maliikenar moone mite bítim bu.

Hirim Heetoofe hu hi Luk akiñje hu 4:15

Aŋ'aliiken ésuk i ti *ñáalawum ñu, abe kareyi fe iŋi kasok te o beejake.

Mark 1:39

Iyu a aje fu añaahoor *Gálile ereyi fe, aŋ'awaare ti *ñáalawum ñu, abe n'ákutoor sirab su.

Mark 10:1

Yesu anuuta toko, n'aja bija tu búsuk bite *Súde, yeeemo i kane a̱kan kaayelu kite *Surdeŋ. Ésuk i úkaan n'iŋki káhoojino bib. N'áyemiiin ti kaliiken naane aa afiy áhin.

Hirim Heetoofe hu hi Luk akiñje hu 2:47

Keejamo ku ti báhamin bu fe kajahalajahale tu búwesinato boone, ni másafinar moone.