Mark 5:35 - Kwatay (Kuwaataay)

³⁵ T'átibanoorut yooŋ, bakaake ni kahaŋ káreeŋin, kánuutin t'enuuf ite Sayirus, ániine eeemo u ni sifaaf site báalawum bu. Ni kaane ániine u: —Ásuŋgute úuwe aketa. Atum'aŋk'a̱ja kálaaman Ámuse u.

Mark 5:35 Referans Kwoze

Hirim Heetoofe hu hi Luk akiñje hu 8:49

Ti Yesu átibanoorut yooŋ, ake n'ahaŋ áreeŋin, ánuutin t'enuuf ite aseef ite báalawum bu abe n'aane: —Sayirus, ásuŋgute úuwe aketa. Atum'aŋk'a̱ja kálaaman Ámuse u.

Saaŋ 11:39

Yesu n'aane: —Arinuutan elaaliñj i. Mart, ániin ite aketa u n'aano: —Anahaan u, ehunuŋ i ewara búbujo, ábuki ebaja diyu kunak kibaakiir.

Saaŋ 11:28

Mart asoka bondu ahaban, n'aja. N'aruw at'o Mari abe n'asaaho eeeno: —Ámuse u ondu beebe, abe aŋ'ákandijeni.

Saaŋ 5:25

Iisokuun bifeeneŋ bu taŋ: bibin birko, abe areeŋee, keekete ku kajamu kaaji kite Añi ite Atambatun, abe keeyak ku kajamu ko karoŋu.

Mark 10:17

Yesu ásitina bija bu, ake ániine n'áteyin abin áreeŋin, n'asaaho éejiŋgitan hágilao abe n'aano: —Ámuse u, awe eejake u, naŋ n'iware fu káhinu kaanuku iibaj buroŋ béehabanaariit bu?

Mark 5:22

Ake t'eseef ite *báalawum booniin n'ahaŋ áreeŋin, huruwu hoone Sayirus. H'ajuke hu Yesu, n'asaaho éejiŋgitan hágilao,

Saaŋ 11:32

Hi Mari areeŋe hu ti Yesu áyemie du ayak abin áami ajuko, n'ájiŋgitan hágilao abe n'aano: —Anahaan u, arko yéeni awe á̱yemie fu diye, ániinam man aket.

Saaŋ 11:25

Yesu n'aano: —Íñj'eemo fu bíriteina bite t'eket i, íñj'eemo fu yooŋ buroŋ bu. An éeyilene t'íñje, hutoof yooŋ aket, o karoŋu.

Saaŋ 11:21

Mart n'aane Yesu: —Anahaan u, arko yéeni awe á̱yemie fu diye, ániinam man aket.

Májiye 26:18

Yesu n'aaniin: —Arija ti hikinu hu. Af'arireeŋ t'ándijiman, n'aŋ'arieno: «Ámuse u aane ewahatu yeene ereeŋa; t'awe t'aja fu káhinu efeet ite Kánuutina ku Esipt, akina n'eriboora yeene.»

Májiye 9:18

Yesu ondu ti kasoku kooniin báhamin bondu, ake t'eseef ite Esuwif i n'ahaŋ áreeŋin. N'asaaho éejiŋgitan hágila Yesu abe n'aano: —Ásuŋgute úuma aketa memememee; bare a̱bin á̱asit sumoŋii te o, abe n'aŋ'aroŋ.

Májiye 26:10

Yesu n'ámeyi bi kasoke bu. Náami eeeniin: —Iŋi naŋ n'árilaaman fu n'anaare ondu? B'áhinam bee bijakajak faa.