Mark 3:35 - Kwatay (Kuwaataay)

³⁵ An aa áhin b'Atambatun ámaŋie bu, an ondu aamo fu at'am, ániinam, n'íñaayam toko.

Mark 3:35 Referans Kwoze

1 Saaŋ 2:17

Etaam i yendu ti bija bihabano, nu wúfaŋi wu fe weeemo wu te yo. Bare an eeemo aŋ'áhin b'Atambatun ámaŋie bu, o karoŋu hiraanu.

Májiye 7:21

—Káanukiiit huruw fe eeenam: «Anahaan u, Anahaan u», aja fu buyooso ti *Jáyi jite Atambatun, kane arko taŋ an éehine buroon bi Faafam eeemo u t'etiir ámaŋie bu.

Saaŋ 7:17

An af'ámaŋi káhinu b'Atambatun ámaŋie bu, o kámeyi man bimb'iliiken ésuk i, t'Atambatun tu búnuutina fu, man yooŋ íñje iŋ'inoŋk iisok.

Saak 1:25

Bare an eejondomane jak t'eluwa yeejoŋoore i, af'ajok te yo alitee, Atambatun kásoniyano tu doon fe d'áhine. An ondu awarut kajamatan kaanuku eebin eefiil, bare áhin naane esoke i. Yo ef'enuutan úne tu húsukateenaate hu.

Efees 6:6

Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.