Mark 3:11 - Kwatay (Kuwaataay)

¹¹ Keebaje ku birab bu ifi kajuko, iŋi kasaaho kéejiŋgitan hágilao, abe n'iŋi kataŋk kaane: «Awe a̱amo fu Añi ite Atambatun!»

Mark 3:11 Referans Kwoze

Hirim Heetoofe hu hi Luk akiñje hu 4:41

Sirab yooŋ nu sunuut ti bakan keehooje ku sujoke, ti kataŋku t'etiir iŋi seene: «Awe a̱amo fu Añi ite Atambatun!» Bare Yesu n'aŋ'akamoor te so, abe n'áhin so seekoowan, ábuki súmoomi kaanuku akina aamo fu *Afakana u.

Hirim Heetoofe hu hi Luk akiñje hu 8:28

H'ajuke hu Yesu, n'akileen. N'asaaho éejiŋgitan hágilao, abe n'ataŋk t'etiir aane: —Yesu, Añi ite Atambatun eeemo u t'etiir-t'etiir, kame baŋka wane? Waasi, atum'á̱hihinooram!

Saak 2:19

Eeman á̱yilenayilen kaanuku Atambatun afeeneŋ abaje fu? Kame beejake. Sirab su yooŋ síyilenayilen bondu, abe iŋi síbit ekoloowe taŋ.

Májiye 8:29

Náami keetaŋk t'etiir kaane: —Añi ite Atambatun, kame baŋka úne? Káhihinoor uni k'a̱bine fu t'ewahatu i ereeŋoorut?

Májiye 4:3

Setani n'atof aŋaaboo abe n'aano: —Kane arko múniyo awe a̱amo fu Añi ite Atambatun, a̱sok bujuju bonde beehosanooro, béeyemi kumburu.

Epotor i 16:17

N'aŋ'ásein uni ti hiñaawu uni Pooliin, abe n'aŋ'ataŋk aane: —Háyine hondu eroka bakate Atambatun eeemo u t'etiir-t'etiir! Kabinabin káwufooruun buŋ b'ariyino fu kafaku!

Májiye 8:31

Sirab su nu súwasiyan Yesu seeno: —Makamu awe kákutoor uni, waasi, kame a̱was uni iriiyooso ti kaahaaw kite bufuruka bondu.

Májiye 4:6

abe n'aano: —Arko múniyo awe a̱amo fu Añi ite Atambatun, a̱julan bija t'etaam; ábuki busokeesok ti Míkiñjin mu kaanuku: «Atambatun kasoku emalaka yeene keejukari, abe boko kayitii tu sumoŋiiin kaanuku humuum kuwoti itim kíbiŋan t'ejuju n'a̱nuf.»

Májiye 14:33

Náami eriboora i kéeyemie ku tu busoona bu ni kasokoroor Yesu abe ni kaano: —Múniyo awe á̱tumbe fu á̱yemi Añi ite Atambatun!

Mark 1:1

Iye i Hirim Heetoofe hu heesoke hu mite mu Yesu *Kiris, Añi ite Atambatun híjabina fu.

1 Korent 11:34

An af'ajoñjolat, ajab ájifin te o bala abin, kaanuku atum'abin áhin Atambatun eekufouun kane aŋ'arikuukanooro. Baabu b'árikandijenam bu, if'ija ibin, n'iŋ'ísafinuun te bo.