Mark 2:20 - Kwatay (Kuwaataay)

²⁰ Bare bibin birko, an eeemo u ti bisayi bu karamiee tu sumoŋiiin. Náami hunak hondu, n'iŋi katik kawoor.

Mark 2:20 Referans Kwoze

Hirim Heetoofe hu hi Luk akiñje hu 17:22

Abe n'aane eriboora i: —Bibin birko, aruun kátumbu árimaŋi káheelin iŋki *t'Añi ute Húŋgowulan hu, kane abin ti Jáyi joone, ámandumo yooŋ hunak hifeeneŋ, bare at'arijuko.

Kafeeñal ku 21:9

Ake t'emalaka i hutok ni bákasuba kéeyekie ku sukot hutok nu súsuba seehooje su nu wútaañi wu hutok nu wúsuba wuraanu wu n'aanam: —A̱bin, abe n'iŋ'íwufoori anaare eeemo u ti biseño bu, asibar ite Ametek u.

Kafeeñal ku 19:7

Kikaw úne kutoof, abe n'útoofan núunikano, ábuki asibar ite Ametek u afaraa, abe huyoosan hoone hireeŋa!

2 Korent 11:27

Irokarok burok beeniŋe, abe ífandaariit kaŋotu. Iŋ'ijoñjolat, búhujo bu yooŋ nu bujokam, abe aŋarko íbajaariit íihin ti haram. Kajokokana ku nere t'íñje, abe íbajaariit yooŋ wañ weeniŋe.

2 Korent 11:2

Ítumbatumba ífiir t'aruun káfiiru kéenuutina t'Atambatun. Ábuki isibaruunsibar bija t'ániine afeeneŋ eeemo u *Kiris, abe n'ímaŋi kaanuku huyoosan hu ifi hireeŋ, n'iŋ'isaanuuno naane ásuŋgute éemeyiit ániine, abe n'akuur but.

1 Korent 7:5

An atum'ateñeko kasaan áwiyo hikawo, kane arko taŋ boko kajamoore ni kaane keefin keewas bondu dikee keejoŋoor ni kalawu ku. Bare bondu buwas, n'iŋi kabatuko ti biseño booniin. Káhinaate iyu, man káyini bújokumooro, abe Setani n'aŋ'abaj bítim eeneyaniin ti kaahoofoor.

Epotor i 14:23

Ti kéeyilene kaamo fe, n'iŋi kajifaniin bakan kéeyemi *sifaaf su. Iŋi *kawoor, abe ni kalaw bija tu boko. Kahaban, n'iŋi kawasiin tu sumoŋu Anahaan u i kayakare u te o.

Epotor i 3:21

T'aamo daa bare, Yesu awarawar biriiko t'etiir bija yooŋ hunak h'Atambatun aja hu káhinu buroon bireyi fe beesooñ bíyeni. Iyu a afiye fu asok áŋaasann t'eyiŋana yeene keenabe ku.

Epotor i 1:9

Hi Yesu asoke hii bondu ahaban, n'ayitee t'etiir, abe kaafor nu kúnuusiino, boko ti káheelin koone.

Saaŋ 17:13

«Hahiyu iibin t'awe, abe h'iroŋe hee t'etaam ye h'isoke fu bondu fe, kaanuku man katoofu kómbokun keeemo ku t'íñje ni kíyemi yooŋ tu boko.

Saaŋ 17:11

Aroŋee diŋgilis, it'iŋk'íyemi t'etaam i: iibin t'awe; boko bare karoŋa te yo. Faafa, awe eenabe u, a̱jukariin ti sembe site huruwu húuwe, huruwu h'a̱wunam hu, man ni káyemi afeeneŋ naane waaamo i afeeneŋ, íñje n'awe.

Saaŋ 16:28

Ínuutinonuutin ti Faaf u, abe n'ibin t'etaam ye. Hahiye iinuut t'etaam ye, abe n'ibatuko ti Faaf u.

Saaŋ 16:7

Bifeeneŋ bare b'isokuun fu: ahaŋ kajaku bija t'aruun n'ija, ábuki ifit'ija, Áyokunana u man abin t'aruun. Bare if'ija, n'iŋ'íboñinuuno.

Saaŋ 13:33

Kúñuumo, kawasoor kite k'úne iŋkut kikamb. Aruun kaŋesiam, bare iisokuun hahiye naane isoke i Esuwif i: at'áriyini bija t'ija du.

Saaŋ 3:29

Eeman kereŋ an eesee akino fu anaar'o? Bare ajak u, akina aa asiiŋo kaagoroor n'an eesee u, eejam naane aa asok, aŋ'atoofan dómbokun naane aa ajam kaaji koone. Katoofu kondu yooŋ keemo fu t'íñje, abe itoofanatoofan íhabanein.

Májiye 26:31

Náami Yesu eeene eriboora yeene: —Beeyak bu kabajiam káajiim ke kákinineŋ n'aritey fe áriifiitenam. Ábuki *Míkiñjin mu meenaan: «Íñje kayoolu an eeemo u ti jíhaaw jite síkarniina su, abe kaahaaw ku biyisaloolo.»

2 Korent 6:5

ni bímiñ bu, nu tu bukulu bu, ni ti naane ésuk i ee erito iŋ'ite h'uni, nu ñurok ñeeniŋe ñu, ni kaŋotaate ku, ni kañoofaate ku.

Saaŋ 12:8

Keebajut ku káyemi n'aruun ko kireyi fe, bare íñje it'íyemi n'aruun ko kireyi.

Májiye 9:15

Yesu n'aaniin: —Bakan keeje kamaatu biseño kánooni fíya kátaañian, an eeemo u ti bisayi bu o toko nu boko? Aaa fu! Bare bibin birko, an eeemo u ti bisayi bu karamiee tu sumoŋiiin. Kóŋkeyin n'iŋi kawoor.

Mark 2:19

Yesu n'aaniin: —Bakan keeje kamaatu biseño kánooni fíya kawooru, an eeemo u ti bisayi bu o toko nu boko? Aaa fu! Naane aŋ'ayak bifiyo nu boko fe, kayinaat kawooru.

Mark 2:21

«An ákiikaariit eres éyeni ti kaawañ keehaane. Af'áhin ii, abe n'añaw ko, eres éyeni i kábuju ko, abe n'iŋi kihaŋ bijeho.

Hirim Heetoofe hu hi Luk akiñje hu 5:35

Bare bibin birko, an eeemo u ti bisayi bu karamiee tu sumoŋiiin. Náami kunak kondu, n'iŋi katik kawoor.