Mark 16:16 - Kwatay (Kuwaataay)

¹⁶ An eeja u káyilen, abe *n'abostee, o kafaku. Bare an at'a áyilen, Atambatun akufokufo awasan.

Mark 16:16 Referans Kwoze

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Epotor i 2:38

Piyeer n'aaniin: —Ariwatanooro kinij koonuun keejakut ku, abe huruw t'aruun n'áhin eebostee tu huruwu hite Yesu *Kiris man wuhoofoor woone nu wuboŋketee, abe Atambatun n'aŋ'awunuun Búwejet Beenabe bu.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 8:24

Iŋ'ite ho h'eenuun fu aruun kaketu nu wuhoofoor woonuun. Afut'áriyilen kaanuku «íñj'eemo fu an eeemo u», aruun kaketu nu wuhoofoor woonuun.

Saaŋ 6:29

Yesu n'aaniin: —Doon d'Atambatun ámaŋie du deemo fu áriyilen t'an a áboñina u.

Saaŋ 3:5

Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

Epotor i 10:43

*Eyiŋana yite Atambatun fe kasokasok uŋu hoone hu; kaanaan an fe éeyilene ti Yesu, ti sembe site huruwu hondu t'Atambatun aja fu kaboŋketo wuhoofoor wu.

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Kafeeñal ku 20:15

An fe eeemo huruwu hoone hikiñjutee ti kaawiit kite buroŋ bu, n'áfiitenee ti han hite sineemak su.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

1 Piyeer 3:21

Móhujo mondu múmoomi naane *kaboste ku kiŋki kifakanuun hahiye. Kaboste kondu, káanukiiit kite kañawu ñubub ñite eni. Aaa, ko kite kájeŋgin Atambatun nu búwejet beekuure. Kaboste ku iŋi kifakan úne aŋarkeyi naane Yesu Kiris aritaneeritan t'eket i.

Mark 1:15

Aŋ'aane: —Tireeŋa toko, *Jáyi jite Atambatun júlohenno! Ariwatanooro kinij koonuun keejakut ku, abe n'áriyilen ti Hirim Heetoofe hu!

Epotor i 22:16

Hahiyu naŋ n'a̱nahan fu? A̱rito, a̱bostee, wuhoofoor wúuwe weeñawee, awe ti karuwu huruwu hoone.”»

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

Epotor i 2:41

Bakan keehooje-hooj ni kajok ti báhamin boone, abe ni *kabostee. Hunak hondu, bakan keereeŋe súñjune síhaaji ni káwutiyen kaŋaabo *kéeyilene ku.

Hirim Heetoofe hu hi Luk akiñje hu 8:12

Bakaake kámoomi naane ñijinu ñu ti sinawaay su sineye du. Iŋi kajam hirim hu, bare Setani n'aŋ'abin eenuutan ho ti siheliin kaanuku itim káyilen, abe yooŋ itim kafak.

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

Epotor i 13:39

Te o t'an fe éeyilene ayino fu karamiee tu wuhoofoor woone, bare Eluwa yite Moyis eyinaatuun karamu tu wuhoofoor wu.

Eleetar i yi Pool akiñje i bakate ku Rom 4:24

Kikiñjeekiñj yooŋ bija t'úne k'Atambatun ayak ku kajoku bakan kéejube, úne kéeyilene ku t'an eeritane u Anahaan ite úne Yesu t'eket i.

2 Tesalonik 2:12

Náami kéeyilenut ku fe tu múniyo mu, abe n'iŋi kabaj katoofu kooniin ti meejakut mu kajoonanee.

2 Tesalonik 1:8

O bibin ti kaañen kómbokun kaanuku eenij ásuf ti kéemaŋiit ku kámeyi Atambatun, abe n'iŋi kateñeko káhinu naane Hirim Heetoofe hite h'Anahaan ite úne Yesu *Kiris husoke i.

Epotor i 13:46

Náami Pool ni Barnabas ni kásafiniin, kikawiin káayaŋgin piŋ, kaaniin: —Aruun ariware fu kajabu arijam hirim hite Atambatun. Bare makamu ariteñekaa ho, abe yooŋ arijukerajuker náami t'aruun ajakutee kaanuku ariibaj buroŋ béehabanaariit bu, iriija kame ti keenooto ku Esuwif.

Eleetar i yi Pool akiñje i bakate ku Rom 3:6

Mayet fu! Arko Atambatun ájubut, n'áyini fíya kajoonan ésuk i?