Mark 16:1 - Kwatay (Kuwaataay)

¹ *H'erimaas ite Esuwif i eje hu ayak abin áami ehabanaa, Mari ite u Magdala, ni Salome, ni Mari íñaay ite Saak ni kajoohen mátiso kaanuku keebin keehundan ehunuŋ ite Yesu.

Mark 16:1 Referans Kwoze

Hirim Heetoofe hu hi Luk akiñje hu 23:56

Kahaban, ni kabatuko ti hikinu hu, abe ni kafare éluuliin ni mátiso bija t'ehunuŋ i. *T'erimaas ite Esuwif i, ni kayih naane *t'Eluwa yite Moyis esoke du.

Mark 15:40

N'abaj toko yooŋ bakaake haare kéesiiŋeina akambee iŋi káheelinn. Mari ite u Magdala ámoomi tu bokondu, ni Salome, ni Mari íñaay ite Soosiin ni Saak añi.

Saaŋ 19:31

*Erimaas ite Esuwif i n'éyemi naane kuwaatu, abe hunak hómbokun tu boko, ábuki hífimboorafimboor *n'efeet yeeniin ite Kánuutina ku Esipt. Makamu Esuwif i kámaŋiit kawasu sini su tu *bukuruwa bu t'erimaas yeeniin, ni kalaw *Pilat kaanuku man wuwot wute keetibee ku tu bukuruwa bu nu wurebejee, suhunuŋ su seenuutanee toko.

Saaŋ 19:25

Mari íñaay ite Yesu ámoomi t'asiiŋee kaagoroor n'ekuruwa i ti katibo du, akina n'at'o, ni Mari anaare Kilewopas, ni Mari ite u Magdala.

Mark 16:8

Haare hu ni kánuutin t'élum i abe ni katey, iŋi kakaro kábit, káajahalein naane. Kasokut an doon fe, ábuki kákolakoleyi. ___________________________________________ [Siferse su 9 bija 20 sunooto tu wuwiit wútiyar wu.]

Mark 15:47

Mari ite u Magdala, ni Mari íñaay ite Soos ni kajuk t'ehunuŋ i ehokee du.

Mark 14:8

Anaare onde áhina doon d'áyinie du. Ahundana eniam hahiye bala ibin iwananee t'élum i.

Mark 14:3

Yesu n'áyemi Betani, t'enuuf ite Simoŋ éebajaanie u *yafot i. Ondu tu buñoofo bu, ake anaare n'áyoosein, o n'éndiis yeerokee nu bujuju bimbi kaane albaatar. Éndiis i ehoojahooj ni mátiso mite anukanuk ii kaane naar, abe iŋi miseer naane. N'awelej butum bite te yo, abe n'áyuus mátiso mu ti hikaw hite Yesu.

Hirim Heetoofe hu hi Luk akiñje hu 23:54

Bondu fe t'ajuma i, abe erimaas yeeniin yeeyooso memee.

Mark 15:42

Kaanendan ku, Siseef ite ti hikinu hihi kaane Arimate n'áreeŋin. Boko kaamo fu *sifaaf site ejoonana i, abe aŋ'ájeŋginee naane. Ámoomi ti kanahan n'eyakar yómbokun Atambatun eesiiŋan *Jáyi joone. *Erimaas ite Esuwif i naane kuwaatu, boko ti bifare bite te yo. N'atuumen eeja ti *Pilat, abe n'alawo ehunuŋ ite Yesu kaanuku eeja eehok yo.

Mark 16:2

Hunak héeseina hu *t'erimaas ite Esuwif i, ni kaja t'élum i nu bújom bu, taanak tu ti kánuutina.

Hirim Heetoofe hu hi Luk akiñje hu 24:1

Hunak héeseina hu *t'erimaas ite Esuwif i, haare hu ni kasoŋk karito keeja t'élum i ni mátiso mi kafaree.