Mark 12:37 - Kwatay (Kuwaataay)

³⁷ Dafit humuumo aŋ'aano «Anahaan u». Náami buŋ *b'Afakana u ayino fu kasooñu áyemi añio? Bakan úkaan kámoomi ti kajamatano. Nu hutoofiin dómbokun.

Mark 12:37 Referans Kwoze

Kafeeñal ku 22:16

«Íñje Yesu íboñina fu amalaka úuma eebin eesokuun bo aruun *kéeyilene ku. Íñje ite tu butoŋ bite áyi u *Dafit, íñj'eemo fu yooŋ kaarabu ku.»

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

Saaŋ 12:9

Bakan keehooje-hooj t'Esuwif i ni kajam kaanuku Yesu ondu Betani. Ni kaja bo, káanukiiit keejuk Yesu barebare, bare kaanuku yooŋ keejuk Lasaar a aritane u t'eket i.

Hirim Heetoofe hu hi Luk akiñje hu 21:38

Nu bújom bib, ésuk i fe eŋ'esoŋk erito, yeeja t'Enuuf ite Atambatun bajamatan boone.

Hirim Heetoofe hu hi Luk akiñje hu 19:48

Bare kámeyiit naane kaja i, ábuki ésuk i fe eŋ'ejamatano kep.

Májiye 21:46

Ni kaŋes naane kaja i káhinu kaanuku man ni kajoko, bare ni kákoleyi hahooja hu, ábuki ésuk i fe kajokajok Yesu naane *ayiŋana ite Atambatun.

Májiye 11:25

Tu kunak kondu Yesu n'aane: —Faafa, Atemit ite bufor bu n'etaam i, íñj'endu ti kaanii eyeehen naane á̱wufoore i kéemeyiit ku doon fe múniyo m'á̱nuuse mu bakan kéewesinatee ku, ni kéewuwe ku.

Májiye 11:5

kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Májiye 1:23

«Arijamatan i! Ásuŋgute éemeyiit u ániine kaharat; o kabaju añi ahaawa, abe n'aŋ'aruwooree Emanuwel» (aamo fu: «Atambatun n'úne»).

Májiye 21:45

H'eseef ite *esaraha i, *n'Efarisiyeŋ i kajame hu beekolofanee bondu kahaban, ni kánandin kaanuku tu boko ti Yesu aamo fu.