Mark 10:22 - Kwatay (Kuwaataay)

²² Bare h'ániine u ajame hu bondu, buhooŋio nu buwayo. N'aja káataañianin naane, ábuki fu ebaj yeene ehahahah.

Mark 10:22 Referans Kwoze

Hirim Heetoofe hu hi Luk akiñje hu 12:15

Ahaban, n'aane hahooja hu hireyi: —Arinaŋ toko kikawuun, áriwasiyoor bimero bite ebaj i, ábuki húŋgowulan, áyemi husaanum are buŋ fíya, buroŋ boone bunooto t'ebaj yeene.

2 Timote 4:10

Ábuki Demas ateyamtey aŋarkeyi naane buroon bite bu t'etaam ye b'ámaŋie fu, abe aja Tesalonik. Kiresens aja Galasi, abe Tit aja Dalmasi.

Efees 5:5

Árimeyi bonde jak: kiŋki kaŋot ni bakan ki kaseñeit, ni keekuurut ku iti kabaj húrub ti Jáyi jite Kiris n'Atambatun. Kiŋki kamero buroon bite ésuk i iti kabaj yooŋ húrub, ábuki anokooreenokoor kite bondu bi kahaŋe kajoku Atambatun.

2 Korent 7:10

Abe kátaañian keejake t'Atambatun uŋu kubuk buwatanooro bite kafakan an u, abe an u at'awatanooro bondu hikee. Bare kátaañian kéebukaariit buwatanooro uŋu kútowutan an u.

Hirim Heetoofe hu hi Luk akiñje hu 18:23

Bare h'ániine u ajame hu bondu, n'átumb fu átaañian naane, ábuki fu husaanum.

Májiye 19:22

Bare h'ábaakiit u ajame hu bondu, n'aja káataañianin naane, ábuki fu ebaj yeene ehahahah.

Májiye 13:22

Bakaaku kámoomi naane sinawaay seeneye su t'arkee du esisa. Boko kaamo fu kiŋki kajam hirim hu jak. Bare biyinoor bite t'etaam ye, ni sírirem sunsu subuut iye, bondu uŋu bubuuf ho, abe utu hubukoor.

Mark 6:26

Áyi u n'átaañian naane. Bare makamu aheekaheek eewaat tu buhooŋu emoosoora yeene, ámaŋiit biteñeko.

Májiye 27:3

Hi Suda ajuke hu kaanuku Yesu a ajoohene u ajoonanee, kayoolio taŋ kiŋeñene, n'awatanooro. N'asooñ aja t'eseef ite *esaraha i, ni sifaaf site Esuwif i eebatikaniin sírirem si kajaamo su, butuman nu sumoŋu su ti sírirem sooniin.

Mark 6:20

ábuki Erod ámaŋiit doon fe dibaj Saaŋ. Aŋ'áhino kákoleyi, ábuki ámoomi kaanuku Saaŋ an ite bifeeneŋ, abe yooŋ an eenabe. Saaŋ af'áyemi ti báhamin, Erod ehelo ébebaariit tuf, bare aŋ'ámaŋi naane kajamatano.

Mark 10:21

Yesu n'áheelino, náami ániine u atoofo dómbokun. N'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Mark 10:23

Yesu n'áheelinool abe n'aane eriboora yeene: —Buyooso bite ti *Jáyi jite Atambatun bítaañataañi faa ti keebaje ku.