Hirim Heetoofe hu hi Luk akiñje hu 9:51 - Kwatay (Kuwaataay)

⁵¹ H'aamo hu hunak h'Atambatun aware hu kayitu Yesu t'etiir bufor bu hulohena, Yesu n'áhabanein aane eeja Serusalem.

Hirim Heetoofe hu hi Luk akiñje hu 9:51 Referans Kwoze

Mark 16:19

H'Anahaan u Yesu áhamine hii nu boko ahaban, Atambatun n'ayito t'etiir bufor bu, abe Yesu n'ariiko inde *baatoso.

Hirim Heetoofe hu hi Luk akiñje hu 18:31

Yesu n'ákajino n'eriboora yeene sumoŋu ni bákasuba ku abe n'aaniin: —Arijamatan, úne bokondu ti bija Serusalem. Úne kareeŋu, *b'eyiŋana yite Atambatun kakiñje bu fe *t'Añi ute Húŋgowulan hu kabaju.

Hirim Heetoofe hu hi Luk akiñje hu 13:22

Yesu n'abin áyemi ti bija Serusalem, n'aŋ'asiiŋo tu búsuk bu ni mikinu mu aŋ'aliiken ésuk i mite m'Atambatun.

Hirim Heetoofe hu hi Luk akiñje hu 17:11

Yesu n'abin áyemi ti bija Serusalem, n'aŋaas t'eraju yite *Samari ni *Gálile.

1 Piyeer 3:22

Ajaja t'etiir bufor bu, abe ondu t'ariikee inde *baatos Atambatun. Emalaka i iŋi kajam te o, n'ébuur i, ni baabu buroon fe beebaje bu sembe beeemo bu t'etiir bufor bu.

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

Esuwif i 6:20

ti Yesu ágilane du úne eeyooso kaanuku éeyokunan úne. Áyemia *asaraha ómbokun hiraanu naane Melkisedek.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

Efees 1:20

h'aritane hu Kiris t'eket i, abe n'áhino eeriiko inde *baatoso t'etiir bufor bu.

Epotor i 1:9

Hi Yesu asoke hii bondu ahaban, n'ayitee t'etiir, abe kaafor nu kúnuusiino, boko ti káheelin koone.

Epotor i 1:2

bija yooŋ naane ayitee i t'etiir bufor bu. Bare bala aja t'etiir, n'asok bakan k'ajifane ku naane *epotor báhamin ti sembe site Búwejet Beenabe bu.

Saaŋ 17:11

Aroŋee diŋgilis, it'iŋk'íyemi t'etaam i: iibin t'awe; boko bare karoŋa te yo. Faafa, awe eenabe u, a̱jukariin ti sembe site huruwu húuwe, huruwu h'a̱wunam hu, man ni káyemi afeeneŋ naane waaamo i afeeneŋ, íñje n'awe.

Saaŋ 16:28

Ínuutinonuutin ti Faaf u, abe n'ibin t'etaam ye. Hahiye iinuut t'etaam ye, abe n'ibatuko ti Faaf u.

Saaŋ 16:5

Hahiyu íñj'endu ti bija t'an éeboñinam u, abe mayet afeeneŋ t'aruun ákandijenam aanam: «A̱aja diin?»

Saaŋ 13:1

H'aamo hu memee *efeet ite Kánuutina ku Esipt n'eŋ'eyooso, Yesu n'ámeyi kaanuku ewahatu yeene yite kanuutu ku t'etaam ye eeja t'etiir ti Faaf u ereeŋa. Afiyafiya ámaŋi bakan koone keeemo ku t'etaam i, abe n'ámaŋiiin bija yooŋ tu hunak hiraanu hu.

Saaŋ 6:62

Arko aruun arijuke fee *Añi ute Húŋgowulan hu ti bisiro eebatuko t'áyemie du hítiyar hu, n'aŋ'ariene fíya buŋ?

Hirim Heetoofe hu hi Luk akiñje hu 24:51

Ondu ti kásoniyan kooniin, n'awasoor nu boko; n'ayitee t'etiir bufor bu.

Hirim Heetoofe hu hi Luk akiñje hu 19:28

Yesu asoka bondu ahaban, n'ágilan hahooja hu keeja Serusalem.

Hirim Heetoofe hu hi Luk akiñje hu 19:11

Yesu n'asooñ asok kéeyemie ku ti bajamatan boone beekolofanee bonde, ábuki naane aamo i alohena Serusalem, n'iŋi kaane man Atambatun kasiiŋan memee Jáyi joone.

Hirim Heetoofe hu hi Luk akiñje hu 12:50

Iwareewar *kaboste, abe ehelam ebebut tuf, ajendan káyemi kíhinee!

Fílip 3:14

íñj'endu ti kateyi kep kaanuku man n'ísik hisiibanu hu. Atambatun aruwaruw úne kaanuku núusik ho t'etiir iŋi naane úhine i t'afeeneŋ ni Yesu Kiris.

Hirim Heetoofe hu hi Luk akiñje hu 9:57

Yesu ondu ti bija bu n'eriboora yeene, ake ániine n'aano: —Íñje káseini ti hiñaawu t'a̱yak fe bija.