Hirim Heetoofe hu hi Luk akiñje hu 9:44 - Kwatay (Kuwaataay)

⁴⁴ —Arinaŋ ti kikawuun b'ija bee kasokuuun: *Añi ute Húŋgowulan hu kásikiee asaanee ésuk i.

Hirim Heetoofe hu hi Luk akiñje hu 9:44 Referans Kwoze

Epotor i 2:23

Ániine ondu n'ásikee asaanuun naane Atambatun anoŋke i eesok, o eefiye u éemeyi bo. Abe aruun ariyoolo fu, aruun kéesiko ku arisaan ehoofoora i keetibo *t'ekuruwa.

Hirim Heetoofe hu hi Luk akiñje hu 9:22

Abe n'áwutiyen aaniin: —*Añi ute Húŋgowulan hu awarawar kajuku sílaam sómbokun. *Sifaaf su biteñekoo, n'eseef ite *esaraha i, *n'émuse yite Eluwa yite Moyis. Boko káhinu ésuk i keeyoolo, bare hunak híhaajiyan hu, n'aŋ'aritanee t'eket i.

Esuwif i 2:1

Iŋ'ite ho aamo fu úwarawar kahaŋu kajoku alit tip tu múniyo m'újame mu, utum'úbin útowutanee.

Hirim Heetoofe hu hi Luk akiñje hu 2:19

Bare Mari n'anaŋ bondu fe ti hikawo, aŋ'anoŋk eeyinoor bo.

Saaŋ 19:11

Yesu n'aano: —A̱bajut t'íñje mayet sembe, kane arko taŋ s'Atambatun eeemo u t'etiir awuni su. Iŋ'ite ho aamo fu katin kite an éesikam u asaani kihaŋahaŋ kúuwe ku.

Saaŋ 16:4

Bare isokuunsok bo kaanuku ifi bija ayak abin áami bibaja, n'áribaŋino kaanuku ibinabina isokuun bo. —Isokutuun bo hítiyar hu, ábuki úmoomi t'afeeneŋ.

Hirim Heetoofe hu hi Luk akiñje hu 24:44

Abe n'aaniin: —Bonde b'ibine fu isokuun h'íyemie hu n'aruun: beekiñjee bu t'íñje fe ti kaawiit kite *Eluwa yite Moyis, nu tu wute *eyiŋana yite Atambatun, ni *t'Élookiin i buwarawar kabaju.

Hirim Heetoofe hu hi Luk akiñje hu 18:31

Yesu n'ákajino n'eriboora yeene sumoŋu ni bákasuba ku abe n'aaniin: —Arijamatan, úne bokondu ti bija Serusalem. Úne kareeŋu, *b'eyiŋana yite Atambatun kakiñje bu fe *t'Añi ute Húŋgowulan hu kabaju.

Hirim Heetoofe hu hi Luk akiñje hu 2:51

Náami Yesu eeriboor nu boko, keebatuko bija *Nasaret. Aŋ'ájeŋginiin naane. Íñaayo n'anaŋ bondu fe ti hikawo.

Hirim Heetoofe hu hi Luk akiñje hu 1:66

Kiŋki kajam bondu fe, iŋi kayinoor abe ni kaane: —Añi ondu eebin fíya éeyemi an buŋ? Múniyo fu sembe site Atemit súmoomi ne o.

Mark 9:31

ábuki ehelo fe émoomi ti kaanu ku eeliiken eriboora yeene mite m'Atambatun. N'aŋ'aaniin toko: —*Añi ute Húŋgowulan hu kásikiee asaanee ésuk i. Boko kayoolio, bare kabaju kunak kíhaaji, n'aŋ'aritanee t'eket i.

Mark 8:31

Yesu n'ásit kaliiken bonde eriboora yeene aŋ'aaniin: —*Añi ute Húŋgowulan hu awarawar kajuku sílaam sómbokun. *Sifaaf su biteñekoo, n'eseef ite *esaraha i, *n'émuse yite Eluwa yite Moyis. Boko káhinu ésuk i keeyoolo, bare kunak kíhaaji, n'aŋ'aritanee t'eket i.

Májiye 26:2

—Árimoomi kaanuku *efeet ite Kánuutina ku Esipt eŋeñena kunak kúsuba. Kóŋkeyin, *Añi ute Húŋgowulan hu kásikiee asaanee bakan kaanuku eetibee *t'ekuruwa.

Májiye 16:21

Áfiitin tu hunak hondu, Yesu n'ásit káwufoor eriboora yeene kaanuku awarawar bija Serusalem, abe *sifaaf su, n'eseef ite *esaraha i, *n'émuse yite Eluwa yite Moyis káhinio eejuk bo sílaam sómbokun. Boko káhinu ésuk i keeyoolo, bare hunak híhaajiyan hu, n'aŋ'aritanee t'eket i.

Saaŋ 16:31

Yesu n'aaniin: —Hahiyu áriyilena?