Hirim Heetoofe hu hi Luk akiñje hu 8:1 - Kwatay (Kuwaataay)

¹ Hunuut toko, Yesu n'aja, aŋ'anuut t'ésuk yeeye n'aja t'eke, n'anuut ti hikinu heehe n'aja ti hike, kaanuku eewaare Hirim Heetoofe hu hite *Jáyi jite Atambatun. Ajaja n'eriboora yeene sumoŋu ni bákasuba ku,

Hirim Heetoofe hu hi Luk akiñje hu 8:1 Referans Kwoze

Májiye 4:23

Yesu n'añaahoor *Gálile ereyi fe, aŋ'aliiken ésuk i ti *ñáalawum ñu, n'awaare Hirim Heetoofe hu hite *Jáyi jite Atambatun, abe n'aritan ésomuta i, bakate wúsomut wánowan, ni kéetime ku fe.

Eleetar i yi Pool akiñje i bakate ku Rom 10:15

Buŋ b'an aja fu kasokiiin ho t'aboñutee? Míkiñjin mu meenaan: «Aŋ'atoof dómbokun kane kiŋki kawaare Hirim Heetoofe hu káreeŋin!»

Epotor i 13:32

Uni yooŋ iribinuunbin ni Hirim honde Heetoofe hu: b'Atambatun abine bu asok sifaaf úne aane bo kabaju,

Epotor i 10:38

Árimoomi yooŋ buŋ b'Atambatun ahoojane fu Yesu ite u *Nasaret nu Búwejet Beenabe bu, abe n'awuno yooŋ sembe. Yesu añaahoorañaahoor ésuk i fe ti káhinu meejake, abe n'aŋ'aritan ki Setani ajoke ku kareyi fe, ábuki Atambatun ámoomi ne o.

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Mark 1:39

Iyu a aje fu añaahoor *Gálile ereyi fe, aŋ'awaare ti *ñáalawum ñu, abe n'ákutoor sirab su.

Májiye 13:19

Kiŋki kajam mite *Jáyi jite Atambatun abe kájokaariit naane mije i, kámoomi naane ñijinu ñu ti sinawaay su sineye du. Setani n'aŋ'abin eenuutan doon deenawee du ti siheliin.

Májiye 11:1

Hi Yesu ahabane hu kasoku kite bonde eriboora yeene sumoŋu ni bákasuba ku, n'anuut toko eeja ti kikinu keeemo ku ne bo, aŋ'aliiken ésuk i abe n'awaareiin.

Májiye 9:35

Yesu n'añaahoor ti kikinu ku kireyi fe, aŋ'aliiken ésuk i ti *ñáalawum ñu, n'awaare Hirim Heetoofe hu hite *Jáyi jite Atambatun, abe n'aritan bakate wúsomut wánowan, ni kéetime ku fe.

Hirim Heetoofe hu hi Luk akiñje hu 1:80

Añi u ti kahaatu kep, abe búwejet boone ti kahaŋu karumu. N'akin t'eramba i, bija naane abine i ajab kawaare ku, bakate ku Israyel iŋi kajuko.

Hirim Heetoofe hu hi Luk akiñje hu 9:6

Eriboora i ni kaja. Iŋi kanuut ti hikinu heehe, ni kaja ti hike. Tánotan ti kaje fe, iŋi kawaare Hirim Heetoofe hu, abe ni karitan yooŋ kéesomute ku.

Hirim Heetoofe hu hi Luk akiñje hu 20:1

Hike hunak, Yesu n'áyemi *t'Enuuf ite Atambatun ti kaliiken ésuk i Hirim Heetoofe hu. Eseef ite *esaraha i, *n'émuse yite Eluwa yite Moyis, ni *sifaaf su ni káreeŋin