Hirim Heetoofe hu hi Luk akiñje hu 7:22 - Kwatay (Kuwaataay)

²² Abe n'ásafin bakan ki Saaŋ áboñina ku aaniin: —Arija arisok Saaŋ b'arijuke bu ni b'arijame bu: kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Hirim Heetoofe hu hi Luk akiñje hu 7:22 Referans Kwoze

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

Májiye 21:14

Bakan kéefuume ni kéetime ni kátofin ti Yesu toko t'Enuuf ite Atambatun, abe n'áhiniin kéekoyi.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Hirim Heetoofe hu hi Luk akiñje hu 7:21

T'ewahatu yendu, Yesu n'aritan bakan keehooje kéesomute ni kéetime. Ki birab bu bujoke ku, n'anuutaniin bo; kéefuume ku, n'áhiniin keejuk.

Epotor i 8:7

Múniyo birab bu uŋu bunuut ti bakan keehooje-hooj ti kakileen, abe keehooje yooŋ keeyinaat bija, ni kéetime n'iŋi karitanee kéekoyi.

Saaŋ 1:46

Natanayel n'aano: —Nasaret? Doon deejake dúnooni fíya kánuutina Nasaret? Filip n'aano: —A̱bin n'aŋ'a̱juk.

Májiye 11:5

kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Hirim Heetoofe hu hi Luk akiñje hu 7:23

Atoof t'an at'awas káyilen k'abaje ku t'íñje!