Hirim Heetoofe hu hi Luk akiñje hu 6:49 - Kwatay (Kuwaataay)

⁴⁹ Bare an eejame báhamin búuma, abe áhinut naane busoke i, aliikeeliik naane an eenute enuuf t'ajabut awak. Hu móhujo mite ejolob i mireeŋe hu yo, toko-toko yooŋ n'eney: étumb ébujarooro fe.

Hirim Heetoofe hu hi Luk akiñje hu 6:49 Referans Kwoze

Májiye 23:3

Náami ariwariinwar kájeŋgin, abe n'árihin yooŋ bimbi kaliikenuun fe. Bare atum'ariliikool ti máhinar mooniin, ábuki bimbi kawaare, káhinaariit bo.

1 Saaŋ 2:19

Bokondu bakan úneiit nu múniyo, iŋ'ite ho hi kanuute fu t'úne. Múniyo kane káyemi bakan úne, n'iŋi kariiko yéeni n'úne. Bare iyu i bije fu t'ahaŋ kakuuru kaanuku mayet afeeneŋ tu boko aamo n'úne.

Saaŋ 15:2

Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Hirim Heetoofe hu hi Luk akiñje hu 12:47

«Aroka éemeyie doon d'ate enuuf i ámaŋie du, abe afareit, áhinut yooŋ doon d'ate enuuf i ámaŋie du, o kasubenee enio ejam.

Hirim Heetoofe hu hi Luk akiñje hu 6:46

—Iŋi naŋ n'af'ariboo kaaniam: «Anahaan u, Anahaan u», abe árihinaariit bimb'isokuun?

Mark 4:17

Bare híbajaariit ñuyoot ti siheliin, náami kájokaariit ho afiyee. Bakola ifi bibin kep, man yooŋ sílaam iŋ'ite hirim hite Atambatun, n'iŋi kawasan káyilen kooniin.

2 Piyeer 2:20

Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.

1 Tesalonik 3:5

Ho híkinineŋe fu naane aamo i iŋkut íyini kanahan, n'íboñin Timote eebin eejuk buŋ bi káyilen koonuun keemo fu. Íkolakoleyi iŋ'eene yéeni man Setani n'abuutuun, butum burok b'iriroke bu fe bite fuufu.

Epotor i 26:11

Iŋ'ifand káhinu kéehihinooree ti *ñáalawum ñu, kaanuku man ni kawas káyilen kooniin. Hiiŋam hihaŋahaŋ kásufu tu boko isooñen n'iŋ'iŋ'inabaniin ti kikinu keekambe-kamb.»

Epotor i 20:29

Ímoomi kaanuku iŋ'iyak káwuŋgu iija, bakan keeemo naane bindaafaan béefetie búyooseinauun, abe utu buyubiyen kaahaaw ku.

Hirim Heetoofe hu hi Luk akiñje hu 19:27

N'afin áami enatoora íima keeteñekee ku kaanuku íiyemi áyi ooniin, aribin nu boko diye, abe n'ariyooliin tu buhooŋiam.”»

Hirim Heetoofe hu hi Luk akiñje hu 19:14

Bare bakate t'ésuk yeeniin kahuufohuuf; ni kaboñ bakan keesao ti hiñaawu kaanuku keereeŋ ni kasok bonde: «Írimaŋiit ániine ondu áyemi áyi ite uni.»

Májiye 24:10

Kóŋkeyin, bakan keehooje karaan káyilen ku t'íñje; boko kajoohenoor, abe boko kahuufoor.

Hirim Heetoofe hu hi Luk akiñje hu 6:48

Aliikeeliik naane an eeemo tu kunut. N'awak ásuli ayak abin áami areeŋa elaaliñj, n'ájabin toko kunut ku. Kaasiiŋ ku kibina, móhujo mite ejolob i ni míteyin bibin t'enuuf yendu, bare miyinaat káfiiten yo, ábuki esiiŋaneesiiŋan ayanee.

Hirim Heetoofe hu hi Luk akiñje hu 7:1

Hi Yesu ahabane hu báhamin bu n'ésuk i, n'aja *Káfernawom.