Hirim Heetoofe hu hi Luk akiñje hu 6:48 - Kwatay (Kuwaataay)

⁴⁸ Aliikeeliik naane an eeemo tu kunut. N'awak ásuli ayak abin áami areeŋa elaaliñj, n'ájabin toko kunut ku. Kaasiiŋ ku kibina, móhujo mite ejolob i ni míteyin bibin t'enuuf yendu, bare miyinaat káfiiten yo, ábuki esiiŋaneesiiŋan ayanee.

Hirim Heetoofe hu hi Luk akiñje hu 6:48 Referans Kwoze

Eleetar i yi Sud akiñje i 1:24

Úsokoroor Atambatun afeeneŋ u eeŋaase u t'Anahaan ite úne Yesu *Kiris eefakan úne. Akina áyinie fu kajukaruun kaanuku atum'ariney, abe n'áhinuun ariisiiŋo hágilao, o éenike u. Aruun *kakuuru but, abe kikawuun katoofu dómbokun. Akina akino fu kániku ku, ni kahahu ku, ni sembe su, ni hiseefaate hu huta hu ti kájabina ku, ni hahiye, nu ko kireyi fe! Amiin.

Efees 2:20

Árimoomi naane súmuul site enuuf. Epotor i *n'eyiŋana yite Atambatun kaamo fu hiñaan hítiyar hu, abe Yesu Kiris humuumo aamo fu meeyane mite enuuf i.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

2 Piyeer 1:10

Kújakuwe, iŋ'ite ho aamo fu áriñiŋkaan ariijok alitee áriiwufoor kaanuku Atambatun aruwuunruw, abe n'ajifanuun yooŋ. Ábuki af'árihin iyu, at'ariney hikee ti kaahoofoor.

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Hirim Heetoofe hu hi Luk akiñje hu 6:47

Kame árimoomi an eebine t'íñje, eejam báhamin búuma, abe n'áhin naane isoke i bo, ne naŋ n'aliikee fu?

Hirim Heetoofe hu hi Luk akiñje hu 6:49

Bare an eejame báhamin búuma, abe áhinut naane busoke i, aliikeeliik naane an eenute enuuf t'ajabut awak. Hu móhujo mite ejolob i mireeŋe hu yo, toko-toko yooŋ n'eney: étumb ébujarooro fe.