Hirim Heetoofe hu hi Luk akiñje hu 6:21 - Kwatay (Kuwaataay)

²¹ Atoof t'aruun keejoñjolate ku hahiye, ábuki aruun bibin kabiru bib! Atoof t'aruun keeyiy ku hahiye, ábuki aruun bibin kásuwu!

Hirim Heetoofe hu hi Luk akiñje hu 6:21 Referans Kwoze

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Májiye 5:6

Atoof ti kéemaŋie ku káhabanein káhinu b'Atambatun ámaŋie bu, ábuki akina kawuniiin bo kafaman!

Saak 1:12

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

Hirim Heetoofe hu hi Luk akiñje hu 1:53

awunawun keejoñjolate ku ebaj, abe kusaanum ku, n'ayeetaniin sumoŋiiin fuufu te so.

Májiye 5:4

Atoof ti keeemo ku ti biyiy bu, ábuki Atambatun kabuutooriin!

Kafeeñal ku 7:16

Karoŋut kajoñjolat, ñukuniin yooŋ ñuroŋut kasayi; taanak tu turoŋutiin kabutu, ni kásufa kánokan fe.

Hirim Heetoofe hu hi Luk akiñje hu 6:25

Átaañi t'aruun keebire ku hahiye, ábuki aruun bibin kajoñjolat! Átaañi t'aruun kéesuw ku hahiye, ábuki aruun káyemi ti kátaañi, abe aruun kayiyu!

1 Korent 4:11

Bija t'ewahatu yende yooŋ irijoñjolatajoñjolat, búhujo bondu t'uni, abe iribajut wañ. Iŋ'írimiñee kep, abe iriyinaat biriiko yooŋ tand'afeeneŋ.

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Kafeeñal ku 21:3

N'ijam kaaji kómbokun kéehaminna t'eriikeey ite híyiaate hu keene: «Hahiyu Atambatun kakinu nu kúŋgowulan ku! O biriiko nu boko. Boko káyemi bakan koone, akina humuumo káyemi nu boko, abe n'áyemi Atambatun ooniin.

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.

2 Korent 11:27

Irokarok burok beeniŋe, abe ífandaariit kaŋotu. Iŋ'ijoñjolat, búhujo bu yooŋ nu bujokam, abe aŋarko íbajaariit íihin ti haram. Kajokokana ku nere t'íñje, abe íbajaariit yooŋ wañ weeniŋe.

2 Korent 6:10

Iŋi káhin uni íriitaañian, bare ko kireyi fe iŋ'iritoofan. Írimoomi naane bakan keebajut, bare iŋ'írihin keehooje kéeyemi kusaanum ti bítim bu. Írimoomi naane bakan kéeyekiit doon fe, bare uni irikino fu buroon bireyi fe.

Saaŋ 11:35

Yesu n'ayiy.

Hirim Heetoofe hu hi Luk akiñje hu 6:20

Yesu n'áheelin eriboora yeene abe n'aane: —Atoof t'aruun keebajut ku doon fe, ábuki aruun arikino fu *Jáyi jite Atambatun!

Hirim Heetoofe hu hi Luk akiñje hu 6:22

«Atoof t'aruun kane ésuk i kahuufuun, káfiitenuun, kálafatinuun, abe ni kábuj kuruwu koonuun aŋarkeyi aŋ'arisa *Añi ute Húŋgowulan hu ti hiñaawu!