Hirim Heetoofe hu hi Luk akiñje hu 6:20 - Kwatay (Kuwaataay)

²⁰ Yesu n'áheelin eriboora yeene abe n'aane: —Atoof t'aruun keebajut ku doon fe, ábuki aruun arikino fu *Jáyi jite Atambatun!

Hirim Heetoofe hu hi Luk akiñje hu 6:20 Referans Kwoze

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

Hirim Heetoofe hu hi Luk akiñje hu 12:32

—Árimoomi naane kaahaaw keefamut, bare atum'árikoleyi, ábuki ho hutoofe Atambatun n'awunuun jáyi joone.

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Kafeeñal ku 2:9

ímoomi sílaam s'a̱amo su te so, ímoomi kabajaate kúuwe, bare t'Atambatun awe husaanum! Ijamajam kílafatinu ku kiŋki kálafatini. Bakan kondu iŋi kaane boko kaamo Esuwif, bare nu múniyoiit: boko bakan bakate Setani!

2 Korent 6:10

Iŋi káhin uni íriitaañian, bare ko kireyi fe iŋ'iritoofan. Írimoomi naane bakan keebajut, bare iŋ'írihin keehooje kéeyemi kusaanum ti bítim bu. Írimoomi naane bakan kéeyekiit doon fe, bare uni irikino fu buroon bireyi fe.

Saak 1:12

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

2 Tesalonik 1:5

Bare sílaam sondu káwufoor kaanuku Atambatun aŋ'ajoonan ésuk i ajoŋooree. Ábuki fu naane aamo i aŋ'arijuk sílaam, Atambatun káhinuuun áriiyemi bakan bakate nu múniyo, buroŋ boonuun beeriib ni jáyi joone. H'arijoke hu te jo híkinineŋe fu n'aŋ'arijuk sílaam.

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

2 Korent 8:2

Kajukajuk bo sílaam sómbokun, bare kikawiin kútumbatumba kutoof kasooñen naane aamo i kabajut doon fe-fe-fe, doon di kawune du dihahahah.

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Hirim Heetoofe hu hi Luk akiñje hu 14:15

Ake ti kéeyemie ku toko tu buñoofo bu ajama kirim kondu kite ku Yesu, n'aano: —Atoof t'an eeja u buñoofo ti *Jáyi jite Atambatun!

Hirim Heetoofe hu hi Luk akiñje hu 13:28

Aruun kayiyu toko, abe n'aritakooro wuŋaan iŋi kayiŋat taŋ kane áriheelin ti sifaafuun Aburahamiin, *n'Isak, ni *Sakob, *n'eyiŋana yite Atambatun fe ti Jáyi joone, abe aruun n'arikulee tíyaŋ!

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Májiye 11:5

kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Hirim Heetoofe hu hi Luk akiñje hu 16:25

Bare Aburaham n'ásafin aane: «Kamat, á̱baŋino kaanuku awe buroŋ, a̱wuneewun ebaj yeehahe, abe Lasaar n'afin asaanee wúseñji wu. Hahiyu ondu ti katoofu ku, awe a̱afin á̱laam.

Májiye 5:1

Yesu ajuka hahooja hondu fe, n'asiro ti hirij hu, abe n'ariiko. Eriboora yeene ni katof kaŋaaboo.