Hirim Heetoofe hu hi Luk akiñje hu 5:27 - Kwatay (Kuwaataay)

²⁷ Bondu buwas, Yesu n'anuut toko eeja. O ti bija bu, n'ajuk ake ti *kiŋki kasa búhal bu, huruwu hoone Lefi. Ámoomi t'ariikee t'ásukut u tindi kajaam búhal bu. Yesu n'aano: —Á̱seinam ti hiñaawu!

Hirim Heetoofe hu hi Luk akiñje hu 5:27 Referans Kwoze

Mark 3:18

Andere, Filip, Bartelemi, Májiye, Taamas, Saak añi ite Alfe, Tade, Simoŋ (akina, boko kaamo fu t'étuum i iŋ'ite ésuk yeeniin),

Májiye 10:3

Filip ni Bartelemi; Taamas ni Májiye, *asaa ite búhal bu; Saak añi ite Alfe, ni Tade;

Saaŋ 1:43

Tifiit, Yesu n'aane eeja inde *Gálile. N'áfimboor ni Filip abe n'aano: —Á̱seinam ti hiñaawu!

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Hirim Heetoofe hu hi Luk akiñje hu 18:22

Hi Yesu ajame hu bondu, n'aano: —Aroŋee doon difeeneŋ d'a̱ware káhinu: a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Májiye 16:24

Ahaban, Yesu n'aane eriboora yeene: —An af'ámaŋi kariboor n'íñje, atum'aŋk'ákini buroŋ boone. Akando *ekuruwa yeene éeseinam ti hiñaawu.

Májiye 8:22

Yesu n'aano: —Á̱seinam ti hiñaawu a̱awas keekete ku keehok bakan kooniin keekete ku.