Hirim Heetoofe hu hi Luk akiñje hu 4:18 - Kwatay (Kuwaataay)

¹⁸ «Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Hirim Heetoofe hu hi Luk akiñje hu 4:18 Referans Kwoze

Májiye 11:5

kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Epotor i 10:38

Árimoomi yooŋ buŋ b'Atambatun ahoojane fu Yesu ite u *Nasaret nu Búwejet Beenabe bu, abe n'awuno yooŋ sembe. Yesu añaahoorañaahoor ésuk i fe ti káhinu meejake, abe n'aŋ'aritan ki Setani ajoke ku kareyi fe, ábuki Atambatun ámoomi ne o.

Hirim Heetoofe hu hi Luk akiñje hu 7:22

Abe n'ásafin bakan ki Saaŋ áboñina ku aaniin: —Arija arisok Saaŋ b'arijuke bu ni b'arijame bu: kéefuume ku kasiŋa kajuk, keeyinaat ku bija káyinia bija, ki *yafot i ejoke ku kákoyia, bútuut bu bisiŋa bijam, keekete ku iŋi karitanee t'eket i, abe keebajut ku doon fe iŋi kajamatan Hirim Heetoofe hu.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Saaŋ 12:46

Íñj'eemo u naane meejaaŋe mu, ibinabin t'etaam i kaanuku an fe éeyilene t'íñje, atum'aŋk'áyemi t'ébaani.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

Kolos 1:13

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

Májiye 4:16

Bokondu kéeyemie ku t'ébaani kajukajuk meejaaŋe wililil! Abe kéekinaanie ku t'ésuk yéebaanie i yite eket i, meejaaŋe mu míŋaasino!»

Májiye 5:3

Yesu n'aaniin: —Atoof ti kéemeyie ku kaanuku kasawulasawulo Atambatun, ábuki Jáyi joone jooniin ju!

Hirim Heetoofe hu hi Luk akiñje hu 6:20

Yesu n'áheelin eriboora yeene abe n'aane: —Atoof t'aruun keebajut ku doon fe, ábuki aruun arikino fu *Jáyi jite Atambatun!

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

Saaŋ 3:34

An a Atambatun áboñina u aŋ'asok kirim kite Atambatun, ábuki Atambatun awunowun Búwejet Beenabe beerume tak.

Saaŋ 1:41

N'ajab aja ajuk at'o Simoŋ abe n'aano: —Irijukajuk *Afakana u (aamo fu «*Kiris»).

Májiye 12:20

At'afiit yariyoon yeeleebee, at'ahok yooŋ ejaaŋana yeelohene kaketu. Iyu a aja fu ayak abin áami b'ímaŋie bu bisiiŋaa;

Epotor i 4:27

«Múniyo *Erod nu Poons *Pilat kásiiŋooreinosiiŋoorein ti hikinu honde ni baabu biheet, ni bakate ku *Israyel kéesokum Yesu aroka úuwe eenabe u, a a̱jifane u éeyemi Afakana.

Májiye 12:18

«Atambatun aane: an onde af'áhin naane isoke i, akina i ijifane fu, o i ímaŋie fu, te o ti hikawam hutoofe fu. Íñje kahoojano nu Búwejet búuma, abe o káwufoor bakate t'etaam i fe bítim beejake bu.

Hirim Heetoofe hu hi Luk akiñje hu 4:17

An u aa arok toko n'asaano kaawiit *k'Esayi *ayiŋana ite Atambatun akiñje ku. N'áboyin ko, abe n'aŋes ayak abin áami ajuka tu bonde bikiñjee du:

Epotor i 4:26

Bákayi kite etaam i fe kafaraa kitiik kawasan, abe eseef i ni kásiiŋoorein kéesokum Atemit, *n'Afakana a ajifane u.»