Hirim Heetoofe hu hi Luk akiñje hu 3:22 - Kwatay (Kuwaataay)

²² abe Búwejet Beenabe bu nu búwanein te o naane búnokoorum bite húleebaan. Abe kaaji ni kíhaminn t'etiir bufor bu keene: —Awe a̱amo fu añi úuma i ímaŋie u. T'awe ti hikawam hutoofe fu.

Hirim Heetoofe hu hi Luk akiñje hu 3:22 Referans Kwoze

Saaŋ 1:32

Saaŋ n'aseede aane: —Ijukajuk Búwejet Beenabe bu nu búwanein t'etiir naane búnokoorum bite húleebaan, abe ni bikin te o.

Májiye 17:5

Ondu ti báhamin bu, náami kaafor keejaaŋe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Te o ti hikawam hutoofe fu. Arijamatano jak!

Epotor i 10:38

Árimoomi yooŋ buŋ b'Atambatun ahoojane fu Yesu ite u *Nasaret nu Búwejet Beenabe bu, abe n'awuno yooŋ sembe. Yesu añaahoorañaahoor ésuk i fe ti káhinu meejake, abe n'aŋ'aritan ki Setani ajoke ku kareyi fe, ábuki Atambatun ámoomi ne o.

Májiye 3:17

Kaaji ni kíhaminn t'etiir bufor bu keene: —An onde aamo fu añi úuma i ímaŋie u. Te o ti hikawam hutoofe fu.

1 Piyeer 2:4

Áritofin ariiloh Anahaan u, eeemo u ejuju yeeroŋe i. Kúŋgowulan ku káfiitenafiiten yo, bare Atambatun n'ajifan yo, ábuki te o ebajabaj éñjeriŋ.

Májiye 12:18

«Atambatun aane: an onde af'áhin naane isoke i, akina i ijifane fu, o i ímaŋie fu, te o ti hikawam hutoofe fu. Íñje kahoojano nu Búwejet búuma, abe o káwufoor bakate t'etaam i fe bítim beejake bu.

Kolos 1:13

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

Hirim Heetoofe hu hi Luk akiñje hu 4:21

Náami Yesu eeeniin: —Úmiye, beesokee bee ti *Míkiñjin mu bibaja, t'ewahatu y'arijame i bo yooŋ.

Májiye 27:43

Aane hikawo hiyaŋgayaŋg t'Atambatun, abe n'aane yooŋ akina aamo fu Añi oone. Újuk hahiyu man Atambatun bibin kafakano!

Májiye 3:13

Tu kunak kondu, Yesu n'ánuutin *Gálile eeja ti kaayelu kite *Surdeŋ. N'aja ti Saaŋ kaanuku *eebostoo.

Májiye 3:16

Yesu abostee ahaban kep, n'ánuutin tu móhujo mu. Náami bufor bu bihaŋa bífeŋgino bija te o. N'ajuk Búwejet bite Atambatun nu búwanein naane búnokoorum bite húleebaan, abe ni bilelan te o.

Mark 1:9

Tu kunak kondu, Yesu n'ánuutin ti hike hikinu hite *Gálile, iŋi heenee *Nasaret. Saaŋ *n'abostoo ti kaayelu kite *Surdeŋ.

Mark 1:11

Kaaji ni kíhaminn t'etiir bufor bu keene: —Awe a̱amo fu añi úuma i ímaŋie u. T'awe ti hikawam hutoofe fu.

Mark 9:7

Kaafor ni kíŋaasin, abe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Arijamatano jak!

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Saaŋ 5:37

Faaf u éeboñinam u aŋ'aseedaam yooŋ akina humuumo. Bare árimusut kajamu kaajio, árimusut yooŋ kajuku buhooŋio.

Saaŋ 12:28

Íñje kaanu: Faafa, á̱nikan huruwu húuwe! Náami kaaji kíhaminno t'etiir bufor bu keene: —Ínikananikan ho, abe íñje kasooñu ínikan ho.