Hirim Heetoofe hu hi Luk akiñje hu 22:70 - Kwatay (Kuwaataay)

⁷⁰ Ni kátumb fu kaano kareyi fe: —Náami awe a̱amo fu Añi ite Atambatun? N'aaniin: —Arisoka bo aruun kumuumuun.

Hirim Heetoofe hu hi Luk akiñje hu 22:70 Referans Kwoze

Hirim Heetoofe hu hi Luk akiñje hu 23:3

Pilat n'ákandijeno aano: —Awe a̱amo fu Áyi ite Esuwif i? Yesu n'aano: —A̱soka bo.

Mark 15:2

Pilat n'ákandijeno aano: —Awe a̱amo fu Áyi ite Esuwif i? Yesu n'aano: —A̱soka bo.

Májiye 27:11

Yesu n'asiiŋo hágila *Pilat águwernoor u. Águwernoor u n'ákandijeno aano: —Awe a̱amo fu Áyi ite Esuwif i? Yesu n'aano: —A̱soka bo.

Májiye 26:64

Yesu n'aano: —Awe a̱soke fii. Abe íñje isok fee n'aruun: áfiitin ti hahiye, aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin tu bufor bu.

Saaŋ 19:7

Esuwif i ni kaano: —Iribajabaj eluwa, abe t'eluwa i awarawar kaketu, ábuki aanaan akina aamo fu Añi ite Atambatun.

Saaŋ 18:37

Náami Pilat eeeno: —Kame fu me awe áyi? Yesu n'aano: —A̱soka bo, íñje áyi. Béekinineŋe bu n'ibukee iibin t'etaam ye bonde: kaanuku iisok ésuk i bifeeneŋ bu. An eeemo an ite bifeeneŋ aŋ'ajamatan bimb'isok.

Saaŋ 10:36

Íñje bare, Atambatun ajifanam, abe n'áboñinam t'etaam ye. N'aŋ'arifin ariene íñje ílafatino aŋarkeyi eenaan íñje Añi ite Atambatun?

Saaŋ 10:30

Íñje ni Faaf u, uni k'afeeneŋ ku.

Saaŋ 1:49

Natanayel n'aano: —Ámuse u, awe a̱amo fu Añi ite Atambatun, awe a̱amo fu Áyi ite Israyel!

Saaŋ 1:34

N'ijuk bondu ni ñíkinam féet, abe iisok bo: ániine ondu aamo fu Añi ite Atambatun.

Hirim Heetoofe hu hi Luk akiñje hu 4:41

Sirab yooŋ nu sunuut ti bakan keehooje ku sujoke, ti kataŋku t'etiir iŋi seene: «Awe a̱amo fu Añi ite Atambatun!» Bare Yesu n'aŋ'akamoor te so, abe n'áhin so seekoowan, ábuki súmoomi kaanuku akina aamo fu *Afakana u.

Mark 14:62

Yesu n'ásafino aano: —Hee, íñje fu! Abe aruun kajuku *Añi ute Húŋgowulan hu t'ariikee inde *baatos bite Atambatun Ate Sembe su. Aruun yooŋ kajukio ti bibin nu bufor bu.

Májiye 27:54

H'aseef ite esulaan i, ni bakan koone kéeyemie ku ti kajukar kite Yesu kajuke hu naane etaam i eyoŋoŋanooree i, ni baabu beebaje bu fe, ni kátumb kákoleyi naane abe ni kaane: «Múniyo ániine ondu áyemie fu Añi ite Atambatun!»

Májiye 27:43

Aane hikawo hiyaŋgayaŋg t'Atambatun, abe n'aane yooŋ akina aamo fu Añi oone. Újuk hahiyu man Atambatun bibin kafakano!

Májiye 4:3

Setani n'atof aŋaaboo abe n'aano: —Kane arko múniyo awe a̱amo fu Añi ite Atambatun, a̱sok bujuju bonde beehosanooro, béeyemi kumburu.

Májiye 3:17

Kaaji ni kíhaminn t'etiir bufor bu keene: —An onde aamo fu añi úuma i ímaŋie u. Te o ti hikawam hutoofe fu.

Májiye 26:25

Suda eejooheno u n'ákandijeno aano: —Ámuse u, eenaan íñjeiit, bare? Yesu n'aano: —Awe a̱soke fii.

Hirim Heetoofe hu hi Luk akiñje hu 22:71

Náami keeenoor: —Uŋkut fu úsawulo eseede! Újama kumuum úne kirim k'asoke ku!