Hirim Heetoofe hu hi Luk akiñje hu 22:36 - Kwatay (Kuwaataay)

³⁶ Abe n'aaniin: —Hahiyu bare, an eebaje ekalfe aja ne yo; an yooŋ eebaje hisaakos aja ne ho; abe an eebajut kábura, awarawar kajoohen éfartuus yeene éejoohenn kike.

Hirim Heetoofe hu hi Luk akiñje hu 22:36 Referans Kwoze

1 Tesalonik 3:4

H'íriyemie hu t'aruun, irisoŋkuun busok kaanuku úne káhihinooree. Abe árimoomi kaanuku bo yooŋ bibaje fu.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

1 Piyeer 4:1

Makamu *Kiris ajukajuk sílaam t'enio, ariwarawar yooŋ bifare kajuku sílaam naane akina, ábuki an af'ajuk sílaam t'enio, awasoora ni kaahoofoor.

Saaŋ 15:20

Áribaŋino naane isokuun i: «Aroka ahaŋut an u t'aamo du tu burok bu.» Káhihinooramhihinoor, boko yooŋ káhihinooruun. Kajamut báhamin búuma, iti kajam yooŋ boonuun bu.

Májiye 10:10

atum'arija ni kisaakos, man yooŋ nu wújufa wúsuba, ni sikaku, nu kútaŋkaru; ábuki aroka awarawar kasaanee buñoofo boone.

Hirim Heetoofe hu hi Luk akiñje hu 22:35

Abe Yesu n'aane eriboora yeene: —H'ibine h'iboñuun, abe arijeit ni bikalfe, ni kisaakos, ni sikaku, abajeebaj dike doon deejahaluun? Ni kaano: —Mayet.

Hirim Heetoofe hu hi Luk akiñje hu 22:37

Ábuki íñje isok fee n'aruun: bonde beesokee bu t'íñje ti *Míkiñjin mu buwarawar kabaju. Meenaan: «Kajokojok ánukenoora.» Múniyo, beekiñjee bu t'íñje kabaju.

Hirim Heetoofe hu hi Luk akiñje hu 22:38

Eriboora i ni kaano: —Anahaan u, a̱juk, wúbura wonde wúsuba. N'aaniin: —Afamee.