Hirim Heetoofe hu hi Luk akiñje hu 22:22 - Kwatay (Kuwaataay)

²² Múniyo, *Añi ute Húŋgowulan hu kaketu naane t'Atambatun asoke du. Bare afin ayak buŋ kátaañi t'an ondu eeja u kajoohen koone!

Hirim Heetoofe hu hi Luk akiñje hu 22:22 Referans Kwoze

Epotor i 2:23

Ániine ondu n'ásikee asaanuun naane Atambatun anoŋke i eesok, o eefiye u éemeyi bo. Abe aruun ariyoolo fu, aruun kéesiko ku arisaan ehoofoora i keetibo *t'ekuruwa.

Hirim Heetoofe hu hi Luk akiñje hu 24:46

abe n'aaniin: —Beekiñjee bu bonde: *Afakana u awarawar kaketu, abe n'áritein t'eket i hunak híhaajiyan hu.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

1 Piyeer 1:11

Búwejet bite bu Kiris búmoomi tu boko, abe busoŋka busok sílaam s'aware su kajuku, nu buroon béewarie-warie beeja bu káseina. Eyiŋana yendu ni kaŋes yooŋ kámeyi kaakaŋ, nu buŋ bu bondu bija fu kabaju.

Saaŋ 17:12

H'íyemie hu nu boko, iŋ'ijukariin ti sembe site huruwu húuwe, huruwu h'a̱wunam hu. Íñje if'ijukariin, abe mayet afeeneŋ tu boko átowutee, kane arko eefiyee u awar bútowuto hiraanu kaanuku man beesokee bu ti *Míkiñjin mu ni bibaj.

Mark 14:21

*Añi ute Húŋgowulan hu eeja kaketu naane *Míkiñjin mu musoke i uŋu hoone hu. Bare afin ayak buŋ kátaañi t'an ondu eeja u kajoohen Añi ute Húŋgowulan hu! Ahaŋ yéeni kajaku te o náami áwuwinoot!

Májiye 26:24

*Añi ute Húŋgowulan hu eeja kaketu naane *Míkiñjin mu musoke i uŋu hoone hu. Bare afin ayak buŋ kátaañi t'an ondu eeja u kajoohen Añi ute Húŋgowulan hu! Ahaŋ yéeni kajaku te o náami áwuwinoot!

Májiye 27:5

Suda n'áfiiten sírirem su *t'Enuuf ite Atambatun, abe n'anuut. N'aja akob núruuk ti kaaland kite nunukanuk, neesotooro tu nukuno eeyooloolo.

Hirim Heetoofe hu hi Luk akiñje hu 22:23

Náami eriboora i n'iŋi kákandijenoor toko kaanoor aañ fíya tu boko aja fu káhinu bondu?

Epotor i 10:42

N'áhamin uni ayan, aane iriwaare ésuk i, abe n'irisok kaanuku akina aamo fu an u a Atambatun asiiŋane u kaanuku eejoonan keeroŋe ku ni keekete ku.

Epotor i 17:31

Ábuki áfiitenafiiten hunak h'aja hu kajoonan te ho ésuk i ereyi fe ajoŋooree. Awasawas bondu tu sumoŋu site an a ajifane u. Áwufoorawufoor ésuk i ereyi fe an ondu aamo fu aañ, h'aritano hu t'eket i!