Hirim Heetoofe hu hi Luk akiñje hu 22:19 - Kwatay (Kuwaataay)

¹⁹ Ahaban, n'ayit humburu abe n'aane Atambatun eyeehen. N'afiitar ho, abe n'asaan eriboora yeene ti kaaniiin: —Diye eniam, yéesikee i *esarahee Atambatun uŋu hoonuun hu. Aŋ'árihin iye kaanuku áriibaŋinaam.

Hirim Heetoofe hu hi Luk akiñje hu 22:19 Referans Kwoze

1 Korent 10:16

Uŋ'úene Atambatun eyeehen bija t'ekot ite kásoniyan ku. Uf'úyemi tu búhujo te yo, bondu búwufoorut kereŋ kaanuku uŋ'úmaat úreyi fe tu buroon beejake bite bu Kiris, halan hoone héekinineŋ? Abe humburu huh'úfiitar, uf'úyemi ti kateŋu ho, bondu búwufoorut kaanuku úhinahin t'afeeneŋ ni Kiris iŋ'ite eni yeene?

Hirim Heetoofe hu hi Luk akiñje hu 22:20

Kañoofaa kahaban, n'asaaniin yooŋ ekot ite ébiñ i ti kaaniiin: —Diye ekot yéewufoore i *kaajamoor kíyeni ku keeja ku kabaju t'etut Atambatun ni bakan koone, halan húuma heeja hu búyuuso uŋu hoonuun hu héekinineŋ.

1 Korent 10:4

kareyi yooŋ káhujee fu búhujo bifeeneŋ b'asaaniin bu. Múniyo iŋi káhujo móhujo m'Atambatun áhine mu méenuutin t'elaaliñj yeeseiin i ti hiñaawu, abe elaaliñj yendu yeemo fu *Kiris.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Galasi 1:4

Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

Hirim Heetoofe hu hi Luk akiñje hu 24:30

Kariikaa kaanuku keeñoofo, n'ayit humburu hu abe n'aane Atambatun eyeehen; n'afiitar ho, abe n'asaaniin.

Májiye 14:19

Ahaban, n'aane hahooja hu hiriiko ti mahos mu. N'ayit kumburu ku hutok hu ni misaan músuba mu, abe n'áheelin t'etiir. N'aane Atambatun eyeehen. Ahaban, n'afiitar kumburu ku, abe n'asaan ko eriboora yeene kéeruboor hahooja hu.

Saaŋ 6:23

N'abaj ñike ñusoona ñéenuutina Tiberiyad, ñeeyee kaagoroor ni ti kateŋe du kumburu k'Anahaan u asaaniin ku h'alawe hu Atambatun ahaban.

Hirim Heetoofe hu hi Luk akiñje hu 22:17

Náami Yesu éesik ekot ite ébiñ, n'aane Atambatun eyeehen abe n'aane: —Árisik, arisawoor áriihujo arireyi fe.

1 Tesalonik 5:18

doon fe deeyak kabaju, arieno eyeehen. Bo b'ámaŋie fu t'aruun kéehine ku t'afeeneŋ ni Yesu *Kiris.

Galasi 4:25

Abe hirij hondu hite hu Sinayi heeemo hu Arabi, heemo fu naane Serusalem yite i hahiye, yeeemo i tu húsukateenaate hu, yo ni bakan keekine ku bo fe.

Májiye 15:36

Ahaban, n'ayit kumburu ku hutok nu kúsuba ku, ni misaan mu, abe n'aane Atambatun eyeehen. N'afiitar ko ni misaan mu, abe n'asaan eriboora yeene kéeruboor hahooja hu.