Hirim Heetoofe hu hi Luk akiñje hu 22:18 - Kwatay (Kuwaataay)

¹⁸ Ábuki íñje isok fee n'aruun: áfiitin ti hahiye, iroŋut kasooñu íhujo ébiñ, ajendan yooŋ káyemi Atambatun asiiŋana Jáyi joone.

Hirim Heetoofe hu hi Luk akiñje hu 22:18 Referans Kwoze

Májiye 26:29

Iisokuun bo: áfiitin ti hahiye, iroŋut kasooñu íhujo ébiñ yende, bija yooŋ hunak h'ija hu búhujo n'aruun éyeni ti Jáyi jite Faafam.

Hirim Heetoofe hu hi Luk akiñje hu 22:16

Ábuki íñje isok fee n'aruun: iroŋut hikee-kee kasooñu iñoofo t'efeet ite Kánuutina ku Esipt, ajendan yooŋ káyemi doon déekinineŋe du n'ebaj díhinee ti *Jáyi jite Atambatun.

Mark 14:25

Iisokuun bifeeneŋ bu: iroŋut kasooñu íhujo ébiñ, bija yooŋ hunak h'ija hu búhujo éyeni ti Jáyi jite Atambatun.

Kolos 1:13

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

Hirim Heetoofe hu hi Luk akiñje hu 21:31

Náami af'arijuk yooŋ kane buroon bondu bibaj, árimeyi kaanuku *Jáyi jite Atambatun júlohenno.

Hirim Heetoofe hu hi Luk akiñje hu 9:27

Iisokuun bifeeneŋ bu: bakaake ti keeemo kee diye iti kaket ti kajukut Atambatun n'asiiŋan Jáyi joone.

Mark 15:23

Ni kawuno ébiñ yéegiiloolee n'eke éenee eŋ'eenee *miir kaanuku éehujo, bare Yesu aseit yo.

Mark 14:23

Ahaban, n'ásik ekot ite ébiñ abe n'aane Atambatun eyeehen. N'asaaniin yo, ni káhujo kareyi fe.

Mark 9:1

Abe n'asooñ aaniin: —Nu múniyo, iisokuun bifeeneŋ bu: bakaake ti keeemo kee diye iti kaket ti kajukut *Jáyi jite Atambatun ni jibin ni sembe séeraanna.

Májiye 16:18

Abe íñje isok fee n'awe: Piyeer, awe elaaliñj, abe t'elaaliñj yendu t'ija fu kasiiŋan kéeyilenam ku fe, abe eket i et'éyini tu boko doon.