Hirim Heetoofe hu hi Luk akiñje hu 21:17 - Kwatay (Kuwaataay)

¹⁷ Ésuk i fe kahuufuuun uŋu húuma hu.

Hirim Heetoofe hu hi Luk akiñje hu 21:17 Referans Kwoze

Saaŋ 15:19

Arko yéeni aruun bakate t'etaam ye, n'iŋi kámaŋiuun, ábuki n'aŋ'áriyemi k'afeeneŋ ku. Bare aruun bákateiit t'etaam ye, ábuki ijifanuunjifan, abe n'íkajinuun; aŋkut árihin nu boko t'afeeneŋ. Iŋ'ite ho h'ésuk i ehuufuun fu.

Hirim Heetoofe hu hi Luk akiñje hu 6:22

«Atoof t'aruun kane ésuk i kahuufuun, káfiitenuun, kálafatinuun, abe ni kábuj kuruwu koonuun aŋarkeyi aŋ'arisa *Añi ute Húŋgowulan hu ti hiñaawu!

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.

Saaŋ 15:21

Bare boko káhinuuun bondu fe aŋarkeyi naane aruun bákuuma ku, ábuki kámeyiit an éeboñinam u.

Kafeeñal ku 2:3

Ímoomi yooŋ kaanuku á̱muñamuñ aa, a̱jukajuk sílaam uŋu húuma hu, abe a̱ruuseit hikee.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

2 Korent 4:11

Uni bokondu tu buroŋ, bare ko kireyi fe iŋ'íriheelin t'eket i iŋ'ite hu Kiris, kaanuku man buroŋ boone ni bifeeñ yooŋ ti sini site s'uni seeemo su iŋi siket.

Saaŋ 17:14

Isaaniinsaan hirim húuwe, abe bakate ku t'etaam i ni kahuufiin aŋarkeyi naane kanooto bakate t'etaam i, naane inooto i yooŋ an ite t'etaam i.

Mark 13:13

Ésuk i fe kahuufuuun uŋu húuma hu. Bare an eeja u kajoku alit tip bija tu hunak hiraanu hu, Atambatun kafakano.

Májiye 24:9

«Bakan kajokuuun, keeja kéehihinooruun, abe ni kayooluun. Ésuk i fe kahuufuuun uŋu húuma hu.

Májiye 10:22

Ésuk i fe kahuufuuun uŋu húuma hu. Bare an eeja u kajoku alit tip bija tu hunak hiraanu hu, Atambatun kafakano.

1 Piyeer 4:14

Atoof t'aruun kane árilafatinee aŋarkeyi naane aruun eriboora yite Kiris, ábuki Búwejet béenike bu bite b'Atambatun bondu t'aruun.

Epotor i 9:16

Abe íñje yooŋ káwufooro sílaam su fe s'aja su kajuku uŋu húuma hu.

Saaŋ 7:7

Ésuk i ebajut húkuuseima kaanuku keehuufuun. Íñje bare, kahuufamhuuf aŋarkeyi naane iŋ'isok t'etiir kaanuku buroon bimbi káhin bijakut.

Májiye 5:11

«Atoof t'aruun kane ésuk i kálafatinuun, káhihinooruun, abe n'iŋi kajuus keesok t'aruun beejakut uŋu húuma hu.

2 Korent 4:5

Úniiit kumuum uni k'if'iriwaareuun, bare Anahaan u Yesu Kiris i if'iriwaareuun. Irijokoorajokooro naane eroka yeenuun iŋ'ite hu Yesu.

Hirim Heetoofe hu hi Luk akiñje hu 21:16

Kumuum kite sifaafuun, ni síñaayuun, ni bakatuuun, n'ebuke yeenuun, ni bákawiyuun kaja fu kásikuuun kasaan eseef i, abe bakaake t'aruun kayooliee.

Hirim Heetoofe hu hi Luk akiñje hu 21:18

Bare kaawan kifeeneŋ kite ti kikawuun utu kútowuto.