Hirim Heetoofe hu hi Luk akiñje hu 2:14 - Kwatay (Kuwaataay)

¹⁴ «Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Hirim Heetoofe hu hi Luk akiñje hu 2:14 Referans Kwoze

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Hirim Heetoofe hu hi Luk akiñje hu 19:38

N'iŋi kaane: «Atambatun ásoniyan áyi u eebin ii tu huruwu hite Atemit! Káasuumaay kibaj t'etiir bufor bu, abe n'únikan Atambatun!»

Kolos 1:20

Iyu yooŋ a áhabaneina fu kaanuku eebukan nu dóonodoon fe eeŋaasan bondu t'Añio. Ti halan hite Añio héeyuusee hu *t'ekuruwa i t'Atambatun áhine fu káasuumaay t'etutiin, akina nu buroon bu fe beeemo t'etiir bufor bu, ni t'etaam i.

Hirim Heetoofe hu hi Luk akiñje hu 1:79

O bibin kajaaŋan keeemo ku t'ébaani i, ni bakan k'eket i eŋolool ku, éehin úne núuja ti bítim bite káasuumaay ku.

Kafeeñal ku 5:13

N'ijam yooŋ buroon bu fe beeemo bu t'etiir bufor bu, ni t'etaam i, ni t'éhinda etaam i, ni ti kan ku, buroon beeemo bu t'aduna i fe ti kahooñu iŋi beene: «An eeriikee u t'eriikeey ite híyiaate hu, n'Ametek u kaja kákini hiraanu kuhooñu ku, nu kusokorooru ku, ni kániku ku, ni sembe su!»

Epotor i 10:36

Atambatun áboñinoboñin *t'Israyel Hirim Heetoofe hite káasuumaay ku, éeŋaasann káasuumaay kondu ti Yesu *Kiris eeemo u Anahaan ite ésuk i ereyi fe.

Saaŋ 17:4

Ínikaninikan t'etaam ye, ábuki ihabana burok b'a̱saanam bu kaanuku íihin.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Fílip 2:11

abe huruw fe n'anoŋk eesok aane Yesu Kiris aamo fu Anahaan u; iyu Atambatun Faaf u n'aŋ'asokorooree.

Hirim Heetoofe hu hi Luk akiñje hu 3:22

abe Búwejet Beenabe bu nu búwanein te o naane búnokoorum bite húleebaan. Abe kaaji ni kíhaminn t'etiir bufor bu keene: —Awe a̱amo fu añi úuma i ímaŋie u. T'awe ti hikawam hutoofe fu.

Májiye 21:9

Kéeyemie ku hágila Yesu, ni kéeyemie ku inde hiñaawio n'iŋi kataŋk t'etiir kaane: «*Añi Dafit ánikanee! Awe eebin ii tu huruwu hite Atemit a̱ja á̱soniyanee! Atambatun eeemo u t'etiir-t'etiir ánikanee!»

Efees 1:9

Áhinahin úne núumeyi boone béenuusee bu yéeni, b'afiye bu asiiŋan ti kajaku koone, abe n'áŋaasann bo ti Kiris.

Efees 1:6

Náami úsokorooro iŋi meejake moone meehahe mu. Anoŋkanoŋk eewun úne mo fuufu iŋi naane úhine i t'afeeneŋ n'Añi oone a ámaŋie-maŋie u.

Fílip 2:13

ábuki Atambatun ondu tu burok t'aruun kaanuku éehinuun áriimaŋi beetoofo bu, abe n'árihin bo yooŋ.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Efees 2:4

Bare Atambatun aŋ'ayubiyen úne dómbokun, abe n'átumb ámaŋi úne naane, asooñen

Saaŋ 14:27

«Káasuumaay k'iwas fee n'aruun; káasuumaay kúuma k'iwunuun fu. Iwunutuun ko aliik naane bakate ku t'etaam ye ii kawun. Atum'ariyinoor doon fe, atum'árikoleyi yooŋ.

Saaŋ 3:16

Ábuki Atambatun ahaŋahaŋ kámaŋi ésuk i, ayak awun Añi oone afeeneŋ u, kaanuku an fe éeyilene te o atum'átowuto hiraanu, bare n'abaj buroŋ béehabanaariit bu.

Hirim Heetoofe hu hi Luk akiñje hu 2:13

Kaja kajuku, náami emalaka yite t'etiir bokondu naane iyu úkaan n'áwiyo amalaka, iŋi kasokoroor Atambatun kaane:

Hirim Heetoofe hu hi Luk akiñje hu 2:15

H'aamo hu emalaka i kawasiin toko keebatuko t'etiir bufor bu, ehaawa yite síkarniina su ni kaanoor: —Úja kame bija Betelehem núujuk beebaje bu, b'Atemit áhine bee núumeyi.