Hirim Heetoofe hu hi Luk akiñje hu 19:37 - Kwatay (Kuwaataay)

³⁷ Boko kalohen fii Serusalem, káruuŋein bítim bite hirij hite Ñúolifiye ñu, hahooja hite eriboora i fe kikawiin nu kutoof. N'iŋi kasokoroor Atambatun kataŋk uŋu buroon bi kajuke bu beehaŋiin bu kikaw.

Hirim Heetoofe hu hi Luk akiñje hu 19:37 Referans Kwoze

Májiye 21:1

Yesu n'eriboora yeene ni kaja ayak abin áami kalohena Serusalem. H'aamo hu kareeŋa hikinu hite Befase, inde hirij hite *Ñúolifiye ñu, n'aboñ bákasuba tu boko hágila.

Hirim Heetoofe hu hi Luk akiñje hu 19:20

«Ake n'abin abe n'aane: “Maan, kaawiit kite sírirem su k'a̱saanam ku konde; ínuusanuus ko t'eres.

Hirim Heetoofe hu hi Luk akiñje hu 18:43

Toko-toko yooŋ, náami asiŋa ajuk. N'asa Yesu ti hiñaawu, aŋ'akaro asokoroor Atambatun. Hahooja hu hujuka bondu, n'iŋi kasokoroor yooŋ Atambatun.

Hirim Heetoofe hu hi Luk akiñje hu 7:16

Kareyi fe ni kajahale. N'iŋi kasokoroor Atambatun kaane: —*Ayiŋana ómbokun ite Atambatun abine fee t'úne beebe! Ni kaane yooŋ: —Atambatun abinabin karamu úne, úne bakan koone!

Mark 14:26

Ahaban, ni kahooñ kuhooñu kite efeet i, abe ni kaja ti hirij hite *Ñúolifiye ñu.

Mark 13:3

Yesu n'aja ariiko ti hirij hite *Ñúolifiye ñu, ajoŋoor *n'Enuuf ite Atambatun. Piyeer, Saak, Saaŋ, n'Andere ni kaja kajuko unooniin abe ni kaano:

Hirim Heetoofe hu hi Luk akiñje hu 19:29

H'areeŋe hu inde kikinu kite Befase ni Betani, kaagoroor ni hirij hite *Ñúolifiye ñu, n'aboñ bákasuba t'eriboora yeene hágila.

Hirim Heetoofe hu hi Luk akiñje hu 19:36

O ti bija bu, bakaake yooŋ n'iŋi katan bífartuus booniin ti bítim bu.

Saaŋ 12:18

Ho híkinineŋe fu hahooja hu ni hiyaajanooroo, ábuki kajamajam bondu b'áhine bu beehaŋiin bu kikaw.